अमरावती, २१ ऑगस्ट: शेतकऱ्यांचा आवडता सण ‘बैलपोळा’ येत्या रविवारी साजरा होणार आहे. या सणाला शेतकरी आपल्या बैलांची पूजा करून, त्यांना सजवून आणि चांगले जेवण घालून त्यांच्याप्रती कृतज्ञता व्यक्त करतात. वर्षभर शेतीत काम करणाऱ्या बैलांना या दिवशी विश्रांती दिली जाते.
पोळ्याच्या पूर्वसंध्येला बैलांच्या खांद्यावर हळद-तूपाचा उबट लावण्याची परंपरा आहे. बैलांना ‘आवतण घ्या, उद्या जेवायला या’ अशी साद देऊन पोळ्याचे आमंत्रण दिले जाते. या दिवशी बैलांना सकाळी नदीवर नेऊन आंघोळ घातली जाते आणि संध्याकाळी पूजेसाठी सजवले जाते. त्यांना पुरणपोळी सहित विशेष जेवण दिले जाते.
महागामुळे बैल सजवण्याच्या सामानाच्या किमती वाढल्या असल्या, तरी शेतकरी आपल्या ‘सर्जाराजा’साठी कसर करत नाहीत. “कितीही अडचण आली तरी आम्ही पोळा सण साजरा करतो,” असे शेतकरी प्रकाश साबळे आणि शेखर अवघड यांनी सांगितले.
यांत्रिकीकरणामुळे गोधन कमी झाले असले, तरी शेतकऱ्यांचे बैलांबद्दलचे प्रेम कमी झालेले नाही. पोळा सण ही शेतकरी आणि बैलांमधील निसर्गाची बंधनाची परंपरा कायम राखत आहे.
