नवी दिल्ली : भारतीय संघाचा गोलंदाज जसप्रित बुमराहने इंग्लंडविरूद्धच्या चौथ्या कसोटी सामन्यातून माघार घेतली. त्याने लग्नासाठी सुट्टी घेतली आहे. तर दुसरीकडे दाक्षिणात्य अभिनेत्री अनुपमा परमेश्वरम हिनेही सुट्टी घेतली आहे. तिने सोशल मीडियाद्वारे याची माहिती दिली. त्यामुळे बुमराह अनुपमा परमेश्वरमसोबत लग्नाच्या बेडीत अडकणार असल्याच्या चर्चांना उधाण आले आहे. दरम्यान, काही दिवसांपुर्वी हे दोघे एकमेकांना डेट करत होते.
* बुमराहशी नाव जोडले जाणारी अभिनेत्री कोण?
टीम इंडियाचा वेगवान गोलंदाज जसप्रीत बुमराह दाक्षिणात्य अभिनेत्री अनुपमा परमेश्वरनसोबत विवाहबद्ध होणार असल्याच्या चर्चा आहेत. अनुपमा हे दाक्षिणात्य सिनेसृष्टीतील प्रसिद्ध नाव आहे. तिने 2015 मध्ये प्रेमम चित्रपटातून सिनेसृष्टीत पर्दापण केले. यातील अभिनयासाठी तिला पदार्पणातील सर्वोत्तम अभिनेत्री या पुरस्काराने गौरवण्यात आले होते. तिने तामिळ, तेलुगू आणि कन्नड सिनेमांमध्ये अभिनय केला आहे.
तुमच्या हक्काचे ‘सुराज्य डिजिटल’ फेसबुक पेज, ट्विटर, कू ॲपवर आणि ‘टेलिग्राम’वरही उपलब्ध
अनुपमान आणि बुमराह यांच्या प्रेमप्रकरणाच्या चर्चा अनेकदा रंगल्या आणि त्यात बुमराहपाठोपाठ तिनंही सुट्टी घेतल्यानं ही दोघं एकमेकांशी लग्न करणार असल्याची चर्चा पुन्हा रंगली. अनुपमा परमेश्वरन हिनं बुधवारी तिच्या इंस्टा स्टोरीवर फोटो पोस्ट केला अन् राजकोटला जात असल्याचे सांगितले.
आता जसप्रीत बुमराहची होणारी नवरी म्हणून आणखी एक नाव चर्चेत आलं आहे. टीव्ही रिप्रेझेंटेटर संजना गणेसन ( Sanjana Ganesan) हिचं… कोलकाता नाइट रायडर्स फ्रँचायझीसोबत अनेकदा संजना दिसते आणि तिच्या व बुमराहच्या प्रेमाच्या चर्चाही रंगल्या होत्या.
* बुमराह अडकणार लग्नबेडीत
टीम इंडियाचा वेगवान गोलंदाज जसप्रीत बुमराह लवकरच लग्न बेडीत अडकणार आहे. दाक्षिणात्य अभिनेत्री अनुपमा परमेश्वरनसोबत बुमराह विवाह करणार असल्याची चर्चा आहे. मात्र अद्याप कोणतीही अधिकृत माहिती आलेली नाही. दोघांनीही एकाच वेळी सुट्ट्या घेतल्याने या चर्चांना उधाण आले आहे. दरम्यान, या दोघांचे नाव पहिल्यांदा 2020 मध्ये जोडण्यात आलं होतं. तेव्हा दोघांनीही यावर नकार दिला होता.
