प्यू रिसर्च सेंटरच्या अहवालातून पुढे आली माहिती
नवी दिल्ली, 22 एप्रिल (हिं.स.) : भारत सन 2060 पर्यंत जगातील सर्वाधिक मुस्लीम लोकसंख्या असलेला देश असेल अशी माहिती पुढे आली आहे. अमेरिकेच्या प्यू रिसर्च सेंटर संस्थेच्या अहवालातून ही बाब समोर आली आहे. सध्या मुस्लीम लोकसंख्येच्या बाबतीत इंडोनेशिया पहिल्या क्रमांकावर आहे. परंतु, 2060 मध्ये जगात सर्वाधिक मुस्लीम भारतात असणार आहेत.
अहवालानुसार 2060 मध्ये भारताच्या एकूण लोकसंख्येचा 19.4 टक्के हिस्सा मुस्लीम असेल, पाकिस्तानमध्ये 96.5 टक्के आणि बांगलादेशमध्ये 91.9 टक्के मुस्लीम असतील. भारताची 1947 साली फाळणी होऊन देश 2 भागांमध्ये विभागला गेला आणि पाकिस्तान एक स्वतंत्र देश बनला. फाळणीच्या वेळी लाखो हिंदू आणि मुस्लिमांना आपले घर, कुटुंब सोडून एका देशातून दुसऱ्या देशात जावे लागले. फाळणीनंतर पाकिस्तान मुस्लीम बहुल देश बनला आणि भारत हिंदू बहुल देश राहिला. त्यानंतर 24 वर्षांनी पाकिस्तानची फाळणी होऊन पूर्वेकडील भाग वेगळा झाला, ज्यातून बांगलादेशची निर्मिती झाली. भारताच्या या फाळणीनंतर निर्माण झालेल्या पाकिस्तान आणि बांगलादेशमध्ये मुस्लीम बहुसंख्य आहेत. तर भारतात मुस्लीम एक अल्पसंख्यांक समुदाय आहे. तरीही, जगात सर्वाधिक मुस्लीम भारतातच राहतात. पाकिस्तानमध्ये 96.4 टक्के लोकसंख्या मुस्लिम आहे, तर बांगलादेशमध्ये 90.6 टक्के मुस्लीम आहेत आणि भारतात एकूण लोकसंख्येपैकी फक्त 14.9 टक्के लोक मुस्लीम आहेत. मात्र, आकडेवारीनुसार पाहिले तर या तिन्ही देशांमध्ये सर्वाधिक मुस्लीम भारतातच राहतात.
प्यू रिसर्च सेंटरच्या अहवालात 2060 सालासाठी अंदाज दिला आहे. या अंदाजात तिन्ही देशांच्या मुस्लीम लोकसंख्येचा वाढीचा दर आणि जन्मदर विचारात घेऊन 35 वर्षांनी भारत, पाकिस्तान आणि बांगलादेशात किती मुस्लिम असतील, हे सांगितले आहे.या अहवालानुसार, 2060 पर्यंत भारत जगातील सर्वाधिक मुस्लीम लोकसंख्या असलेला देश असेल. सध्या इंडोनेशिया पहिल्या क्रमांकावर आहे.अहवालानुसार 2060 मध्ये भारताच्या एकूण लोकसंख्येचा 19.4 टक्के हिस्सा मुस्लिम असेल, पाकिस्तानमध्ये 96.5 टक्के आणि बांगलादेशमध्ये 91.9 टक्के मुस्लिम असतील. प्यू रिसर्च सेंटरच्या अंदाजानुसार, 2060 मध्ये इंडोनेशियामध्ये सुमारे 29 कोटी 90 लाख (299 मिलीयन) मुस्लीम असतील.
इंडोनेशिया सध्या जगातील सर्वात मोठा मुस्लीम लोकसंख्या असलेला देश आहे, पण 2060 पर्यंत भारत त्या क्रमांकावर पोहोचेल, असा अंदाज आहे. भारतात मुस्लीम लोकसंख्या जास्त वेगाने वाढत असल्याने, भारत इंडोनेशियाला मागे टाकेल. भारतात 2060 मध्ये अंदाजे 33.3 कोटी मुस्लीम असतील. तर इंडोनेशियात 2060 पर्यंत अंदाजे 29.9 कोटी मुस्लीम लोकसंख्या असेल असे अहवालात म्हंटले आहे.————-
