हवेतून हवेत 100 किमी मारा करेल ‘एसएएडब्लू’
नवी दिल्ली, 18 जून (हिं.स.) : भारतीय हवाई दलाला लवकरच स्वदेशी स्मार्ट अँटी-एअरफील्ड वेपनची प्रगत आवृत्ती मिळणार आहे. हे शस्त्र एसयू-30 एमकेआयसह हवाई दलाच्या जवळजवळ सर्व लढाऊ विमानांच्या ताफ्यावर बसवता येईल. या शस्त्रामुळे हवाई दलाची ताकद आणखी वाढेल.
स्मार्ट अँटी-एअरफील्ड वेपन (एसएएडब्ल्यू) हा एक प्रकारचा बॉम्ब आहे, जो हवेतून सोडला जातो. एसएएडब्लू 100 किलोमीटर अंतरावरही अचूकतेने लक्ष्य गाठू शकतो. हा बॉम्ब उपग्रहाद्वारे निर्देशित केला जातो. या बॉम्बसाठी भारतीय हवाई दलाच्या प्रस्तावावर लवकरच संरक्षण मंत्रालयाकडून चर्चा होण्याची अपेक्षा आहे.एसएएडब्ल्यू संरक्षण संशोधन आणि विकास संघटनेने (डीआरडीओ) तयार केला आहे. हा बॉम्ब स्वदेशी पद्धतीने विकसित आणि डिझाइन केला आहे आणि त्याचे वजन 120 किलो आहे.
एसएएडब्ल्यू हे हैदराबाद येथील डीआरडीओच्या संशोधन केंद्र (आरसीआय) येथे स्वदेशी पद्धतीने डिझाइन आणि विकसित केले गेले आहे. त्याचा उद्देश शत्रूच्या एअरबेसमध्ये असलेले रडार, बंकर, धावपट्टी, टॅक्सी ट्रॅक इत्यादी गोष्टी क्षणार्धात नष्ट करणे आहे. हे स्टँड ऑफ वेपन पाकिस्तानमधील बालाकोट एअरस्ट्राइकमध्ये वापरल्या गेलेल्या स्टँड ऑफ वेपनसारखेच आहे.
