लंडन : जगभरात कोरोनावर मात करण्यासाठी विविध पातळींवर प्रयत्न सुरू आहेत. जगभरात लस विकसित करण्याचे जोरदार प्रयत्न सुरू आहेत. काहींची तिसऱ्या टप्प्यातील चाचणी सुरू आहे. ब्रिटनमधील ऑक्सफर्ड विद्यापीठातील भारतीय वंशाच्या प्राध्यापक सुमी विश्वास यांनी कोरोनाला अटकाव करणारी एक लस विकसित केली आहे. या लसीची चाचणी ऑस्ट्रेलियासह अनेक देशांमध्ये होत आहे.
प्रा. सुमी विश्वास यांनी २०१७ मध्ये ब्रिटनमध्ये स्पाई बायोटेक नावाची कंपनी स्थापन केली. या कंपनीच्या मुख्य कार्यकारी अधिकारी पदावर त्या कार्यरत आहेत. सुमी विश्वास यांनी ऑक्सफर्ड विद्यापीठाच्या जेनर इन्स्टिट्यूटमध्ये एड्रियन हिल आणि सारा गिलबर्ट यांच्यासोबत एकत्र काम केले आहे.
तुमच्या हक्काचे ‘सुराज्य डिजिटल’ फेसबुक पेज, ट्विटर, शेअरचॅट आणि ‘टेलिग्राम’वरही उपलब्ध
या जेनर इन्स्टिट्यूटने एस्ट्राजेनकासोबत कोरोनावर लस विकसित केली आहे.
प्रा. सुमी विश्वास यांच्या स्पाई बायोटेकने विकसित केलेल्या लशीची मानवी चाचणी सुरू आहे. ऑस्ट्रेलियात या लशीची चाचणी सुरू आहे. सध्या दुसऱ्या टप्प्यातील चाचणी सुरू आहे. ही चाचणी जगातील सर्वात मोठी लस उत्पादक कंपनी असलेल्या भारतातील सिरम इन्स्टिट्यूट ऑफ इंडियाच्यावतीने संचलित केली जात आहे. सिरम इन्स्टिट्यूटसोबत सुमी विश्वास यांच्या स्पाय बायोटेक कंपनीने लस उत्पादनाबाबतचा करार केला आहे.
* प्रा. सुमी विश्वास यांच्याविषयी
प्रा. सुमी विश्वास यांचा जन्म कोलकातामधील लेक टाउन भागात झाला. बंगळुरू विद्यापीठातून त्यांनी मायक्रोबॉयोलॉजीमधून शिक्षण पूर्ण केले. त्यांनी ऑक्सफर्ड विद्यापीठातून पीएचडी पूर्ण केली. ऑक्सफर्डच्या जेनर इन्स्टिट्यूटसोबत मलेरियाविरोधातील लस विकसित करण्यासाठी काही वर्ष काम केले आहे.
