बार्शी : राष्ट्रवादीकडून लढा, आम्ही तुमच्या पाठीशी आहोत असे म्हणत राष्ट्रवादीचे प्रदेशाध्यक्ष जयंत पाटील यांनी बार्शीचे विश्वास बारबोले यांना पाठबळ दिले आहे.
आगामी निवडणूका राष्ट्रवादीकडून लढा, पक्ष आणि सरकार तुमच्या पाठीशी आहे. असे आश्वासन राष्ट्रवादीचे प्रदेशाध्यक्ष व जलसंपदामंत्री जयंत पाटील यांनी माजी नगराध्यक्ष विश्वास बारबोले यांना त्यांच्या निवासस्थानी झालेल्या सहभोजनानंतर दिल्याचेे विश्वसनीय सूत्रांनी सांगितले. यावेळी पाटील यांच्यासोबत जिल्ह्याचे पालकमंत्री दत्तात्रय भरणे, जिल्हाध्यक्ष बळीराम साठे, कार्याध्यक्ष उमेश पाटील, वैरागचे उपनगराध्यक्ष निरंजन भूमकर आदी उपस्थित होते. NCP State President Jayant Patil gave his support to Vishwas Barbole
स्थानिक, देशासह जगभरातल्या बातम्या वाचण्यासाठी ‘सुराज्य डिजिटल’ फेसबुक पेज, ट्विटर, कू ॲपवर आणि ‘टेलिग्राम’वर आवर्जून द्या भेट..
वैराग येथे सदिच्छा भेट देवून बारबोले यांच्या निवासस्थानी सहभोजनासाठी आलेल्या पाटील यांचा बारबोले कुटुंबियांनी सत्कार केला. माजी नगराध्यक्ष विश्वास बारबोले यांच्या राष्ट्रवादी प्रवेशाची सध्या जोरदार चर्चा चालू आहे. तसेच पक्ष प्रवेशाचा मुहूर्त ठरल्याचेही कळते. या पार्श्वभूमीवर पाटील यांचे बारबोले यांच्या निवासस्थानी झालेले सहभोजन महत्वाचे मानले जात आहे.
यावेळी माजी उपनगराध्यक्ष कृष्णराज बारबोले, माजी नगरसेवक विनोद वाणी, कालिदास मुकटे, बाळासाहेब पवार, माजी नगरसेवक शंकर देवकर, शिरीष घळके, रोहित अवघडे, शुभम बारबोले, सुधीर बारबोले, अमर बारबोले, पंकज बारबोले व कार्यकर्ते मोठ्या संख्येने उपस्थित होते.
