कर्नाटकातील भीषण अपघातात सोलापुरातील एकाचा मृत्यू तर सहाजण जखमी

सोलापूर : बसवकल्याण कर्नाटक येथील सस्तापूर चौरस्ता येथे काल शनिवारी रात्री ९.३० च्या सुमारास ईरटीका कारला झालेल्या अपघातात एक जण जागीच ठार तर सहा जण जखमी झाले आहेत. हे सर्वजण सोलापुरातील जुने विठ्ठल मंदिर उत्तर कसबा येथील रहिवासी आहेत. One dead, six injured in Karnataka’s horrific accident in Solapur, Old Vitthal Temple, North Kasba

या अपघातात एक जण जागीच ठार तर एकाच घरातील पाच जण जखमी झाल्याची घटना रविवारी पहाटेच्या सुमारास घडली. जयवंत (नाथा) भास्कर जोशी (वय 40, रा. उत्तर कसबा, जोशी गल्ली, सोलापूर) असे अपघातात मृत पावलेल्या व्यक्तीचे नाव आहे. याबाबत पोलिसांनी दिलेली माहिती अशी की, उत्तर कसब्यातील जोशी कुटुंबिय हे देवदर्शनासाठी तांडूर (कर्नाटक) गेले होते. परत येताना हैदराबाद-सोलापूर राष्ट्रीय महामार्गावरील बसवकल्याण येथे डिझेल भरून पंपातून गाडी रस्त्यावर येत असताना पाठीमागून येणारा भरधाव वेगातील ट्रकने जोराची धडक दिली.

दरम्यान, या धडकेत एक जण ठार तर अन्य पाच जण जखमी झाले आहेत. जखमींवर सोलापुरातील खासगी रूग्णालयात उपचार सुरू आहेत. जयवंत (नाथा) जोशी यांच्या पश्चात आई, दोन भाऊ, दोन बहिणी असा परिवार आहे. त्यांच्यावर जुना पुना नाका येथे अंत्यसंस्कार करण्यात येणार आहेत.

याबाबत मिळालेली माहिती अशी की, उत्तर कसब्यातील जयवंत उर्फ नाथा जोशी गुरुजी यांच्या कुटुंबातील सात जण बसवकल्याण आणि परिसरात देवदर्शनासाठी दोन दिवसापूर्वी गेले होते. जयवंत जोशी हे धार्मिक विधी कार्य करणारे म्हणून टिळक कुटुंबातील चार पुरुष आणि तीन महिला गंभीर जखमी आहेत. या सर्वांना रात्री उशिरा सोलापूरच्या अश्विनी रुग्णालयात उपचारासाठी दाखल करण्यात आलं होतं.

स्थानिक, देशासह जगभरातल्या बातम्या वाचण्यासाठी ‘सुराज्य डिजिटल’ फेसबुक पेज, डेलिहंट, ट्विटर, कू ॲपवर आणि ‘टेलिग्राम’वर आवर्जून द्या भेट…(बातमीसाठी मोबाईल – 9881192310 व्हाटसअपवर संपर्क करा)

○ मागील भांडणाचा राग धरून सिव्हिल हॉस्पिटलमधील वॉर्डबॉयला फायटरने मारहाण, कोनापुरे चाळीतील घटना

सोलापूर : घरासमोर असलेल्या मोटारसायकल पार्किंग मध्ये सागर गायकवाड हा गाडी पार्क करत असताना त्याला मागील झालेल्या भांडणाचा राग मनात धरून शिवीगाळ करत लाथा बुक्क्यांनी व त्याच्या उजव्या डोळ्यावर फायटरने मारून जखमी केल्याची घटना दि.२३ मार्च रोजी सायंकाळी सात वाजण्याच्या सुमारास कोनापुरे चाळ येथे घडली.

याप्रकरणी सिव्हिल हॉस्पिटल येथे वार्ड बॉय म्हणून नोकरीस असणाऱ्या सागर विनीत गायकवाड (वय-२८,रा.रेल्वे लाईन कोनापुरे चाळ) याने सदर बझार पोलिस ठाण्यात फिर्याद दाखल केली आहे. त्याच्या फिर्यादीवरून अक्षय गायकवाड,अक्षय पुंडा,राजेश असादे याच्यासह एक अनोळखी इसमाविरुद्ध गुन्हा दाखल झाला आहे.घटनेचा पुढील तपास पोलीस करीत आहेत.