मुंबई, २२ ऑगस्ट: रिलायन्स इंडस्ट्रीजच्या संस्थापक धीरूभाई अंबानी यांच्या पत्नी आणि उद्योगपती मुकेश आणि अनिल अंबानी यांच्या आई कोकिलाबेन अंबानी यांना आज सकाळी मुंबईतील एचएन रिलायन्स रुग्णालयात दाखल करण्यात आले आहे. वाढत्या वयामुळे त्यांची प्रकृती गंभीर असल्याचे सूत्रांनी दिले आहे.
सोशल मीडियावर अंबानी कुटुंबाचे सदस्य रुग्णालयात जातानाचे व्हिडिओ व्हायरल झाले असून, त्यामुळे त्यांच्या आरोग्याविषयी चिंता वाढली आहे. अंबानी कुटुंबाच्या वतीने अद्याप कोणतेही अधिकृत निवेदन जारी करण्यात आलेले नाही, परंतु त्या डॉक्टरांच्या निरीक्षणाखाली असल्याचे माहिती आहे.
कोकिलाबेन अंबानी यांचा जन्म २४ फेब्रुवारी १९३४ रोजी गुजरातमधील जामनगर येथे झाला होता. त्यांना अंबानी कुटुंबाची कुलमाता मानले जाते आणि कुटुंबासाठी मार्गदर्शन करणाऱ्या व्यक्तिमत्त्व म्हणून त्यांचा आदर केला जातो.
