अमरावती : मेळघाटच्या हरिसाल येथे वन्यजीव विभागाच्या डॅशिंग महिला अधिकारी अशी ओळख असलेल्या वनपरिक्षेत्र अधिकारी दीपाली चव्हाण (28 वर्षे) यांनी स्वतःवर गोळी झाडून आत्महत्या केली आहे. यामुळे महाराष्ट्रात खळबळ उडाली आहे. वरिष्ठांच्या त्रासाला कंटाळून टोकाचे पाऊल उचलत असल्याचा उल्लेख दीपाली यांनी सुसाईड नोटमध्ये केला आहे. तस्करांना सळो की पळो करुन सोडणाऱ्या दीपाली यांची लेडी सिंघम म्हणून ओळख होती.
मेळघाट व्याघ्र प्रकल्पाच्या गुगामल राष्ट्रीय उद्यान अंतर्गत येणाऱ्या हरीसाल वन परीश्रेत्रात कार्यरत आरएफओ दीपाली चव्हाण या 28 वर्षीय तरूण महिला अधिकाऱ्याने शासकीय निवासस्थानी गोळी झाडून आत्महत्या केली. आत्महत्येपूर्वी लिहिलेल्या पत्रात अधिकाऱ्याच्या जाचाला कंटाळून आत्महत्या करत असल्याचं त्यांनी म्हटलं आहे.
मेळघाट व्याघ्र प्रकल्पातील गुगामल वन्यजीव विभागाच्या कर्तव्यदक्ष वनपरिक्षेत्र डॅशिंग महिला अधिकारी म्हणून ओळख असलेल्या दिपाली चव्हाण यांनी हरीसाल येथील शासकीय निवासात पिस्तूलातून स्वत:वर गोळी झाडून आत्महत्या केल्याने खळबळ उडाली आहे. आत्महत्या करण्याआधी त्यांनी 4 पानांचं सुसाईट नोट लिहल्याची माहिती मिळत आहे. वरिष्ठांच्या जाचाला कंटाळून व मानसिक त्रासाला कंटाळून दिपाली यांनी आत्महत्या केल्याचा संशय व्यक्त करण्यात येत आहे.
तुमच्या हक्काचे ‘सुराज्य डिजिटल’ फेसबुक पेज, ट्विटर, कू ॲपवर आणि ‘टेलिग्राम’वरही उपलब्ध
काल (25 मार्च) सायंकळी 5.30 च्या सुमारास त्यानी आत्महत्या केली. त्यांच्या निवासस्थानातून गोळी झाडल्याचा आवाज आल्याने अधिकारी, कर्मचाऱ्यांनी घटनास्थळी धाव घेतली असता त्या रक्ताच्या थारोळ्यात पडल्याचे दिसल्याने कर्मचाऱ्यांनाही धक्का बसला.
घटनास्थळी असलेल्या अधिकारी, कर्मचाऱ्यांनी तातडीने या घटनेची माहिती धारणी पोलिसांना दिली. पोलिसांनी घटनास्थळी दाखल होत दिपाली चव्हाण यांचा मृतदेह ताब्यात घेतला.
* दीपाली होती गर्भवती
दीपाली या गर्भवती असल्याचीही माहिती समोर आली आहे. दोन वर्षांपूर्वी दिपाली चव्हाण यांचा विवाह राजेश मोहिते यांच्याशी झाला होता. राजेश मोहिते हे अमरावती जिल्हा कोषागार कार्यालयात शासकीय सेवेत कार्यरत आहेत. दिपाली या एक कर्तव्यदक्ष अधिकारी म्हणून ओळखल्या जायच्या. अवघ्या पाच वर्षांपूर्वीच त्या (2015) साली महाराष्ट्र वनसेवा परीक्षा उत्तीर्ण झाल्या होत्या. त्यांच्या आत्महत्येने परिसरात हळहळ व्यक्त केली जात आहे.
* आत्महत्या नाही, हत्येचा सूर
दीपाली अतिशय डॅशिंग अधिकारी होत्या. त्यांनी आत्महत्या केली हे अनेक अधिकारी अजूनही मानायला तयार नाहीत. त्यांची हत्या झाल्याचा सूर वनविभागात आहे. मूळच्या सातारच्या असणाऱ्या दिपाली चव्हाण यांची महाराष्ट्र लोकसेवा आयोगाची महाराष्ट्र वन सेवा 2014 परीक्षा उत्तीर्ण झाल्यानंतर वन परिक्षेत्र अधिकारी म्हणून नियुक्ती झाली होती. जिथे माणसं कामं करायला घाबरतात तिथे ही तरूण अधिकारी आपली कर्तव्याची अमिट छाप उमटवत होती. त्यांच्या कामाची सर्वत्र चर्चा होती. रेल्वे गाडीत बसून डिंक तस्कर पळून गेल्यावर दुचाकीद्वारे मध्यप्रदेशपर्यंत पाठलाग करत आरोपींना सळो की पळो करुन सोडले होते. त्यातून त्यांची ओळख “लेडी सिंघम” अशी झाली होती.
