नाशिक : नाशिक येथे खासगी बसला लागलेल्या आगीतील मृतांचा आकडा 11 वर पोहोचला आहे. यामध्ये एका चिमुकल्याचा समावेश आहे. तर 21 जण जखमी झाले आहेत. यातील काहींची प्रकृती गंभीर आहे. त्यांना नाशिकच्या रुग्णालयात दाखल करण्यात आले आहे. लक्झरी बस आणि टँकर यांच्यात आज शनिवारी पहाटे 5 वाजून 15 मिनिटाच्या सुमारास भीषण अपघातात झाला. Nashik accident: death toll rises to 11, state government announces 5 lakh aid, central government 2 lakhs
जखमींवर मोफत उपचार केले जातील, अशी माहिती नाशिकचे पालकमंत्री दादा भुसे यांनी दिली आहे. दरम्यान यवतमाळवरून ही बस मुंबईला जात होती. नाशिकहून पुण्याकडे जाणाऱ्या ट्रकने बसला धडक दिली. नाशिक येथे बस व ट्रॅव्हल्सचा भीषण अपघात झाला आहे. यावेळी लागलेल्या आगीत 8 ते 10 प्रवाशांचा मृत्यू झाला आहे. तर अनेक जण जखमी आहेत. या घटनेची संपूर्ण माहिती मुख्यमंत्री एकनाथ शिंदे यांनी घेतली असून त्यांनी मृतांच्या नातेवाईकांना 5 लाख रुपयांची मदत जाहीर केली आहे. तर अपघातातील जखमींच्या उपचाराचा संपूर्ण खर्च सरकार करणार असल्याचेही त्यांनी सांगितले.
मुख्यमंत्री एकनाथ शिंदे यांनी शोक व्यक्त केला. या घटनेबाबत जिल्ह्याधिकाऱ्यांसह आयुक्तांशी माझे बोलणे झाले आहे. या घटनेत 11 जणांचा मृत्यू तर 38 जण जखमी झाल्याची माहिती मुख्यमंत्री शिंदे यांनी दिली.
पंतप्रधान नरेंद्र मोदी यांनी नाशिक येथील बस दुर्घटनेवर दुःख व्यक्त केले आहे. या दुर्घटनेत ज्यांनी आपल्या प्रियजनांना गमावले आहे त्यांच्या दुःखात आम्ही सहभागी आहेत. जखमी लवकरात लवकर बरे होवोत, अशा सद्भावना पंतप्रधानांनी व्यक्त केल्या आहेत. तर या आगीत मृत्यू झालेल्यांच्या नातेवाईकाला PMNRF कडून 2 लाखांची मदत दिली जाणार आहे. तर जखमींना 50 हजार रुपयांची मदत पंतप्रधानांनी जाहीर केली आहे.
नाशिक-औरंगाबाद मार्गावर नांदूरनाका येथे हा मोठा अपघात झाला. अपघातात दहापेक्षा अधिक जणांचा मृत्यू झाल्याची प्राथमिक माहिती समोर आली आहे. पोलीस उपायुक्त अमोल तांबे यांनी या अपघाताची पुष्टी करत यामध्ये काही जणांचा मृत्यू झाल्याचे सांगितले आहे. मृत आकड्यात वाढ होऊ शकते.
Maharashtra | A luxury bus & a trailer truck collided with each other. A fire broke out due to the impact. 11 casualties so far. 30 people had started from Yavatmal & 19 people boarded the bus in the middle. They are being identified: Nashik Police Commissioner Jayant Naiknavare pic.twitter.com/xjljXPdM1K
— ANI (@ANI) October 8, 2022
स्थानिक, देशासह जगभरातल्या बातम्या वाचण्यासाठी ‘सुराज्य डिजिटल’ फेसबुक पेज, ट्विटर, कू ॲपवर आणि ‘टेलिग्राम’वर आवर्जून द्या भेट…(बातमीसाठी मोबाईल – 9881192310 व्हाटसअपवर संपर्क करा)
यवतमाळ येथून नाशिकमार्गे मुंबईला जाणाऱ्या चिंतामणी बसचा नांदूरनाका येथे भीषण अपघात झाला. यावेळी लागलेल्या आगीत 11 जणांचा मृत्यू झाला आहे. या भीषण अपघातातून वाचलेल्या महिला प्रवाशाने आपबीतीचा थरार सांगितला आहे. त्या म्हणाल्या की, आम्ही मुलाला घेऊन बाहेर पडलोत, मात्र तेथे बसलेल्या आजीला वाचवता आले नाही. अशी खंत यावेळी त्यांनी व्यक्त केली.
साधारणपणे अर्धा तासाहून अधिक काळ पेटलेली बस विझवण्याचा प्रयत्न सुरू होता. बस पेटल्यानंतर ज्या प्रवाशांना बसमधून खाली उतरता आलं त्यांनी उड्या मारल्या तर आतमध्ये अडकलेले प्रवासी आगीमुळे जळून खाक झाले. या घटनेतील मृतांचा आकडा आणखी वाढण्याची भीती आहे.
अपघातानंतर बस 50 ते 60 फूट पुढे घसरत गेली तर टँकर 70 ते 80 मीटर पुढे जाऊन थांबला. या अपघातात बसने पेट घेतल्याने जळून मयत झालेल्या नागरिकांचे मृतदेह महापालिकेच्या सिटी लिंक बसमधून हलविण्यात आले. या घटनेत 10 लोक जळून खाक झाले तर 34 जणांवर उपचार सुरू आहेत. सदर अपघात घडल्यानंतर रस्त्याने जाणाऱ्या काही नागरिकांनी नवीन आडगाव नाक्यावर असलेल्या वाहतूक पोलीस चौकीत धाव घेतली. तसंच पोलिसांना याबाबत कळवलं. मात्र, पोलीस वेळेत घटनास्थळी पोहोचले नसल्याचा आरोप नागरिकांनी केला आहे.मुख्यमंत्री एकनाथ शिंदे यांनी घटनेबाबत शोक व्यक्त केला आणि मृतांच्या कुटुंबियांना पाच लाख रुपयांची मदत जाहीर केली आहे.
□ नाशिक बस अपघाताचे अपडेट
* नाशिक – औरंगाबाद मार्गावर नांदूरनाका येथे बस व ट्रेलरचा भीषण अपघात
* अपघातानंतर बसला आग, आगीत 8 ते 10 जणांचा मृत्यू
* यवतमाळ येथून नाशिकमार्गे मुंबईला ही बस जात होती.
* चिंतामणी ट्रॅव्हल्सच्या या बसमध्ये 30 प्रवासी होते.
* आगीवर अग्नीशमन दलाच्या जवानांकडून नियंत्रण
* जखमींना नाशिक जिल्हा रुग्णालयात हलवण्यात आले आहे.
