इस्लामाबाद, 29 जुलै – पाकिस्तानचे माजी पंतप्रधान आणि पीटीआयचे संस्थापक इम्रान खान यांना ९ मे २०२३ रोजी झालेल्या दंगलीशी संबंधित आठ प्रकरणांमध्ये जामीन नाकारण्यात आला आहे. पाकिस्तान सर्वोच्च न्यायालयाने त्यांच्या वकिलाच्या विनंतीवरही कोणतीही नोटीस बजावलेली नाही आणि सुनावणी १२ ऑगस्टपर्यंत तहकूब केली आहे.
यापूर्वी नोव्हेंबर २०२४ मध्ये लाहोरमधील दहशतवादविरोधी न्यायालय आणि नंतर लाहोर उच्च न्यायालयानेही जामीन फेटाळला होता. या आदेशाविरुद्ध इम्रान खान यांनी सर्वोच्च न्यायालयात धाव घेतली होती.
मुख्य न्यायाधीश याह्या आफ्रिदी यांच्या अध्यक्षतेखालील दोन सदस्यीय खंडपीठाने आज सुनावणी घेतली. इम्रान खान यांचे मुख्य वकील सलमान सफदर परदेशात असल्यामुळे, सरचिटणीस सलमान अक्रम राजा यांनी कोर्टात हजर राहून सुनावणी पुढे ढकलण्याची विनंती केली. मात्र, खंडपीठाने ती नकारात फेटाळून १२ ऑगस्ट ही पुढील तारीख निश्चित केली.
याप्रकरणांमध्ये लाहोर कॉर्प्स कमांडरच्या घरावर झालेल्या हल्ल्याचाही समावेश असून, इम्रान खान सध्या तुरुंगात आहेत.
