प्रतिनिधी
सांगोला -जेसीबी द्वारे मुरूम उत्खनन करून ट्रॅक्टरद्वारे चोरटी वाहतूक करणाऱ्याने महिला मंडळ अधिकारी आणि पोलीस पाटील यांना धक्काबुक्की करीत शासकीय कामात अडथळा केला. आणि मुरमाची चोरटी वाहतुककरणारे सर्व वाहने घेऊन पोबारा केला. ही घटना धायटी (ता. सांगोला ) येथे मंगळवारी घडली. ह्या प्रकरणी सांगोल्याच्या पोलिसांनी संभाजी प्रभाकर भोसले (रा.धायटी ) याच्या विरुद्ध गुन्हा दाखल केला आहे.
यासंदर्भात मंडळ अधिकारी विजया महारुद्र नाईक (रा.संगेवाडी,तहसील कार्यालय) यांनी पोलिसात फिर्याद दाखल केली. त्यांना धायटी येथील गट क्रमांक १२/२ येथे मुरूम उत्खनन करून ट्रॅक्टरद्वारे चोरटी वाहतूक केली जात असल्याची माहिती मंडल अधिकारी विजया नाईक यांना मिळाली. त्याप्रमाणे त्या पोलीस पाटील तसेच इतर कर्मचाऱ्याने घेऊन घटनास्थळी गेले होते. त्यावेळी एमएच45-एयु-24 37 या जेसीबीद्वारे मुरूम खोदून ते दोन ट्रॅक्टर मध्ये भरण्यात येत होते. तर त्या ठिकाणी एकूण 45 ब्रास मुरूम काढण्यात आले होते.
विजया नाईक यांनी जेसीबी आणि दोन्ही मुरुमाने भरलेले ट्रॅक्टर घेऊन तहसील कार्यालयात येथे कारवाई करण्यासाठी घेऊन चला असे सांगितले असता त्यांनी पोलीसपाटील प्रवीण गायकवाड आणि त्यांना देखील धक्काबुक्की करीत मुरमाचे उत्खनन करणारा जेसीबी आणि मुरुमाने भरलेले दोन्ही ट्रॅक्टर घेऊन पसार झाले. असे त्यांच्या फिर्यादीत नमूद आहे.
