जळगाव : भाजपा आमदार सुधीर मुनगंटीवार यांनी राज्यात राष्ट्रपती राजवट आणण्याची वेळ आली असल्याचं म्हटलं आहे. जळगाव वसतिगृह प्रकरणावरुन संताप व्यक्त करताना सुधीर मुनगंटीवार यांनी सरकार काहीच कारवाई करत नसल्याची टीका करताना आमच्या आई-बहिणीची थट्टा होणार असेल तर राष्ट्रपती राजवट हा एकच मार्ग असल्याचं म्हटलं आहे. सुधीर मुनगंटीवार यांच्या विधानावर आक्षेप नोंदवत नवाब मलिक यांनी मुनगंटीवार धमकावत असल्याचा आरोप केला
जळगावमधील शासकीय आशादीप महिला वसतिगृहात तरुणींना कपडे काढून तिला नग्न नृत्य करण्यास भाग पाडण्यात आल्याची धक्कादायक माहिती समोर आली आहे. यावरून राज्यातील वातावरण चांगलेच तापू लागले होते. यावरूनच भाजपा नेते सुधीर मुनगंटीवार यांनी ठाकरे सरकारवर जोरदार टीका केली आहे.
जळगाव वसतिगृहात घडलेल्या प्रकारावर बोलताना मुनगंटीवार म्हणाले की, सरकार या प्रकरणात काहीच कारवाई करत नसल्याचे दिसून येत आहे आमच्या आई-बहिणीची थट्टा होणार असेल तर राष्ट्रपती राजवट हा एकच मार्ग असल्याचे त्यांनी म्हटले आहे. या आरोपावरून मुनगंटीवार आणि अल्पसंख्याक मंत्री नवाब मलिक यांच्यात शाब्दिक चकमक पाहायला मिळाली होती.
तुमच्या हक्काचे ‘सुराज्य डिजिटल’ फेसबुक पेज, ट्विटर, कू ॲपवर आणि ‘टेलिग्राम’वरही उपलब्ध
सुधीर मुनगंटीवार काय म्हणाले की, सभागृहात सदस्यांनी अतिशय गंभीर मुद्दा उपस्थित केला आहे. हा इतका गंभीर विषय आहे अध्यक्ष महोदय की, उद्या माझी बहीण, तुमची बहीण एवढं एक सेकंद नजरे समोर आणा…तुम्ही जर गृहमंत्री असता तर खून केला असता. अशा पद्धतीने तुमच्या, माझ्या आई बहिणीला नग्न करुन, कपडे काढून नाचायला लावलं जातं आहे आणि आम्ही नोंद घेवू म्हणतात.
तसेच सभागृहात इथं मृत मनाचे आमदार आहेत? आमचं मन जिवंत आहे. तळपायाची आग मस्तकात गेली पाहिजे. उत्तरात सांगितले पाहिजे की, एक तासात चौकशी करतो. काय कारवाई करणार आहे याचा अहवाल घेतो…पण म्हणतात नोंद घेतो…हे पाप फेडावे लागेल अशा शब्दात त्यांनी राग व्यक्त केला होता.
* दोन दिवसांत कारवाई – अनिल देशमुख
“जी घटना घडली त्याची संपूर्ण माहिती घेण्याचं काम सुरु आहे. व्हिडीओ तसंच इतर सर्व माहिती एकत्र केला जात असून जबाबही नोंदवले जात आहेत. याची संपूर्ण चौकशी झाल्यानंतर कडक कारवाई करण्यात येईल,” अशी माहिती गृहमंत्री अनिल देशमुख यांनी दिली आहे. दोन दिवसांत कारवाई केली जाईल असं आश्वासनही त्यांनी याआधी बोलताना दिलं होतं.
