नवी दिल्ली, २८ ऑगस्ट : पंतप्रधान नरेंद्र मोदी आज संध्याकाळी भारत-जपान वार्षिक शिखर परिषदेत सहभागासाठी जपानला प्रस्थान करणार आहेत. पंतप्रधान मोदी यांचा हा जपानचा आठवा दौरा असून, २०१४ मध्ये पदभार स्वीकारल्यानंतर त्यांनी जपानला भेट दिलेली नाही.
या दौऱ्यादरम्यान, पंतप्रधान मोदी जपानचे पंतप्रधान शिगेरू इशिबा यांच्याशी द्विपक्षीय भेटी करून दोन देशांमधील संबंधांवर चर्चा करतील. या भेटीत संरक्षण, सुरक्षा, व्यापार, अर्थव्यवस्था, तंत्रज्ञान आणि नवोपक्रम यासारख्या क्षेत्रांतील सहकार्यावर भर असेल. तसेच, प्रादेशिक आणि आंतरराष्ट्रीय महत्त्वाच्या विषयांवरही चर्चा होणार आहे.
पंतप्रधान मोदी आणि जपानी पंतप्रधान इशिबा यांच्यातील ही पहिली वार्षिक शिखर परिषद आहे. २०१८ मध्ये झालेल्या शेवटच्या भेतीनंतर ही पंतप्रधान मोदींची जपानला पहिलीच भेट आहे.
जपानचा दौरा संपल्यानंतर, पंतप्रधान मोदी ३१ ऑगस्ट ते १ सप्टेंबर दरम्यान चीनमधील शांघाय सहकार्य संघटना (एससीओ)च्या राष्ट्रप्रमुखांच्या २५व्या शिखर परिषदेत सहभागी होण्यासाठी तियानजिन येथे जातील. चीनचे अध्यक्ष शी जिनपिंग यांच्या निमंत्रणावरून ह्या शिखर परिषदेला उपस्थित राहणार आहेत.
या शिखर परिषदेदरम्यान पंतप्रधान मोदी इतर सदस्य राष्ट्रांच्या नेत्यांसोबत द्विपक्षीय भेटी करण्याची अपेक्षा आहे. एससीओच्या सदस्य राष्ट्रांमध्ये भारत, चीन, रशिया, पाकिस्तान, इराण, कझाकस्तान, किर्गिझस्तान, ताजिकिस्तान, उझबेकिस्तान आणि बेलारूस यांचा समावेश आहे.
