सांगली : भारतीय जनता पक्षाच्यावतीने पुणे पदवीधर मतदारसंघातून संग्रामसिंह देशमुख ( सांगली) यांचा उमेदवारी अर्ज आज बुधवारी विधान भवन पुणे येथे दाखल करण्यात आला. यावेळी भारतीय जनता पक्षाचे प्रदेशाध्यक्ष चंद्रकांत पाटील, माजी खासदार गिरीश बापट, माजी मंत्री हर्षवर्धन पाटील यांच्यासह पश्चिम महाराष्ट्रातील पदाधिकारी उपस्थित होते.
सांगली जिल्हा परिषदेचे माजी अध्यक्ष संग्रामसिंह देशमुख यांची उमेदवारी जाहीर होताच भाजपात उत्साहाचे वातावरण निर्माण झाले आहे. पदवीधर मतदारसंघातील विविध जिल्ह्यातून भाजप पदाधिकारी यांनी जोरदार मोर्चेबांधणीला सुरवात केली आहे.
तुमच्या हक्काचे ‘सुराज्य डिजिटल’ फेसबुक पेज, ट्विटर, कू ॲपवर आणि ‘टेलिग्राम’वरही उपलब्ध
आज बुधवारी प्रदेशाध्यक्ष चंद्रकात पाटील यांच्या प्रमुख उपस्थितीत पुणे येथे पदवीधर मतदारसंघाचे भाजपचे अधिकृत उमेदवार म्हणून संग्रामसिंह देशमुख यांचा उमेदवारी अर्ज दाखल करण्यात आला.
यावेळी भाजपचे पुणे जिल्हा ग्रामीण अध्यक्ष बाळा भेगडे , आमदार जगदीश मुळीक, पुणे महापौर मुरलीधर मोहोळ, आमदार लक्ष्मण जगताप, आमदार रणजितसिंह मोहिते-पाटील, माजी मंत्री दिलीप कांबळे, अमल महाडिक, माजी आमदार मेधाताई कुलकर्णी, माजी आमदार योगेश टिळेकर आदींची उपस्थिती होती.
