पुणे : सोलापूरच्या उपविभागीय अधिकारी ज्योती पाटील यांची कोरेगावच्या उपविभागीय अधिकारीपदी बदली करण्यात आली आहे. पुणे येथील पुनर्वसन कार्यालयातील तहसीलदार विवेक साळुंके यांची बदली सोलापूर येथे जिल्हा पुरवठा अधिकारी म्हणून करण्यात आली आहे. तसेच पुणे विभागातील चार उपजिल्हाधिका-यांच्या बदल्या झाली असून पुणे जिल्हाधिकाऱ्यांच्या खुर्चीत कोण बसणार याचा सस्पेन्स आणखी कायम आहे.
पुणे विभागातील चार उपजिल्हाधिकारी आणि पाच तहसीलदारांची बदली करण्यात आली आहे. पुणे जिल्हाधिकाऱ्यांच्या खुर्चीत कोण बसणार याचा फैसला मात्र अद्याप झालेला दिसत नाही. पुणे जिल्ह्यातील उपजिल्हाधिकारी सीमा होळकर यांची बदली पुणे विभागीय आयुक्त कार्यालयातील महसूल विभागात करण्यात आली आहे. तर भुदरगडचे उपविभागीय अधिकारी संपत खिलारी यांची बदली सोलापूर येथे अन्नधान्य वितरण अधिकारी म्हणून करण्यात आली आहे. कोरेगावच्या उपविभागीय अधिकारी कीर्ती नलावडे यांची सातारा येथे पुनर्वसन अधिकारी म्हणून बदली झाली आहे.
तुमच्या हक्काचे ‘सुराज्य डिजिटल’ फेसबुक पेज, ट्विटर, शेअरचॅट आणि ‘टेलिग्राम’वरही उपलब्ध
साताऱ्यातील पुनर्वसन तहसीलदार शुभांगी फुले यांची पुणे येथे सर्वसाधारण शाखेत बदली झाली आहे. तर उपप्रबंधक एमआरटी तहसीलदार दिगंबर रौंदळ यांना त्याच ठिकाणी मुदतवाढ मिळाली आहे.
पुणे येथील पुनर्वसन कार्यालयातील तहसीलदार सुरेखा दिवटे यांची विभागीय आयुक्त कार्यालयातील पुनर्वसन कार्यालयात बदली झाली आहे. तर आटपाडीचे तहसीलदार सचिन लंगुटे यांची सोलापूर येथे सर्वसाधारण शाखेत बदली करण्यात आली आहे.
* पुणे जिल्हाधिकारी पदी कोण ?
कोरोना संकटाच्या काळातही पुण्याच्या जिल्हाधिकारीपदावर कुणाची नियुक्ती होणार यावरुन रस्सीखेच सुरु असल्याचं पाहायला मिळत आहे. पुण्याच्या जिल्हाधिकारी पदासाठी काँग्रेसकडून डॉ. योगेश म्हसे, राष्ट्रवादी काँग्रेसकडून राजेश देशमुख, तर शिवसेनेकडून जी श्रीकांत, अस्तिक कुमार पांडे यांची नाव पुढं येण्याची शक्यता आहे. कुणाल खेमनार यांची नुकतीच चंद्रपूर जिल्ह्यातून बदली झाली आहे. त्यामुळे त्यांचंही नाव नव्यानं चर्चेत आलं आहे.
