दोहा , 24 जून (हिं.स.) : मागील काही दिवसांपासून इराण आणि इस्त्रायमध्ये तणाव सुरू होता.या वाढत्या तणावानंतर कतारने आपले हवाई क्षेत्र बंद केले होते. आता, कतारच्या नागरी विमान वाहतूक प्राधिकरणाने पुन्हा आपले हवाई क्षेत्र उघडण्याची घोषणा केली आहे. मध्य पूर्वेकडून युद्धबंदीची बातमी येताच, इंडिगोनेही ट्रॅव्हल ऍडव्हायजरी जारी केली. इराण आणि इस्रायलमधील संघर्ष संपल्यानंतर मध्य पूर्वेतील बहुतेक विमानतळ उघडले जातील. परिस्थितीचा आढावा घेतल्यानंतरच इंडिगोची विमाने या मार्गावरून उड्डाण करतील.इंडिगोने सांगितले की, मध्य पूर्वेतील विमानतळ हळूहळू उघडत आहेत. आम्ही या मार्गावर पुन्हा उड्डाणे वेळापत्रकबद्ध करण्याचा विचार करत आहोत.
आम्ही परिस्थितीवर बारकाईने लक्ष ठेवून आहोत. प्रवाशांच्या सुरक्षिततेची खात्री केल्यानंतरच या मार्गावरील उड्डाणे पुन्हा सुरू होतील. पुढील अपडेटसाठी आमच्या मोबाइल अॅप किंवा वेबसाइटवर संपर्कात रहा. अमेरिकेने रविवारी(दि.२२) इराणवर केलेल्या ह्ल्यानंतर इराणने कतारमधील अमेरिकन हवाई तळावरही क्षेपणास्त्रे डागली. या हल्ल्यात कोणत्याही जीवितहानी झाल्याचे वृत्त नाही. पण, खबरदारी म्हणून, कतारने आपले हवाई क्षेत्र बंद केले. ते आता पुन्हा एकदा उघडण्यात आल्याचे सांगण्यात आले आहे. दरम्यान, अमेरिकेचे राष्ट्राध्यक्ष डोनाल्ड ट्रम्प यांनी सोशल मीडियावर एक पोस्ट शेअर केली. या पोस्टमध्ये म्हटले की, “अभिनंदन, इराण आणि इस्रायल यांनी युद्धविरामवर सहमती दर्शवली आहे.
दोन्ही देशांमध्ये ६ तासांच्या आत युद्धबंदीची प्रक्रिया सुरू होईल. प्रथम दोन्ही देशांमध्ये ६ तासांचा युद्धविराम असेल, त्यानंतर १२ तासांचा युद्धविराम असेल. जर या काळात दोन्ही देशांनी एकमेकांवर हल्ला केला नाही, तर २४ तासांनंतर युद्ध औपचारिकपणे संपल्याचा विचार केला जाईल.” रविवारी अमेरिकेने इराणवर केलेल्या हल्ल्यानंतर इराणने कतारमधील अमेरिकन हवाई तळावरही क्षेपणास्त्रे डागली. या हल्ल्यात कोणत्याही जीवितहानी झाल्याचे वृत्त नाही. पण, खबरदारी म्हणून, कतारने आपले हवाई क्षेत्र बंद केले. ते आता पुन्हा एकदा उघडण्यात आल्याचे सांगण्यात आले आहे. —————
