□ २८ तोळे सोन्याचे दागिने जप्त
● सोलापूर : दमाणी नगरातील सोनी सिटी येथील रेल्वे इंजिनियर त्यांच्या कुटुंबासह देवदर्शनाला परराज्यात गेल्यावर त्यांच्या नवीन घरात इलेक्ट्रिक वायरचे काम करणाऱ्या वायरमने घरातील २८ तोळे सोन्याचे व दोन तोळे चांदीचे दागिन्यांसह तब्बल साडेबारा लाखांचे साहित्य चोरल्याची माहिती समोर आली आहे. Solapur. Railway officer’s house broken by wireman in office gold tola
पोलिसांनी त्या वायरमनला अटक केली असून मालही ताब्यात घेतला आहे. गुन्हे शाखेचे सहायक पोलीस निरीक्षक जीवन निरगुडे यांनी भाऊराव अर्जुन वाघमोडे (रा. आदित्य नगर, आरटीओ ऑफिसजवळ) या संशयिताला जेरबंद केले.
सूरज सीताराम तिवारी हे त्यांच्या कुटुंबासोबत तामिळनाडूतील रामेश्वरला गेले होते. १ ते ५ ऑक्टोबर दरम्यान ते परगावी होते. त्याचवेळी त्यांच्या नवीन घरात कामे सुरू होती. त्यांनी विश्वासाने कामगारांकडे घराची चावी दिली होती. मात्र त्याने कोणी नसल्याची संधी साधत घरफोडी केली.
घरात चोरी झाल्याचे लक्षात आल्यावर त्यांनी फौजदार चावडी पोलिसांत धाव घेतली. त्यानंतर सहायक पोलीस आयुक्त डॉ. प्रीती टिपरे, प्रांजली सोनवणे, गुन्हे शाखेचे वरिष्ठ पोलीस निरीक्षक सुनील दोरगे, सहायक पोलीस निरीक्षक निरगुडे, पोलीस हवालदार दिलीप भालशंकर, योगेश बर्डे, वाजीद पटेल, संजय साळुंखे यांनी त्याठिकाणी भेट दिली.
स्थानिक, देशासह जगभरातल्या बातम्या वाचण्यासाठी ‘सुराज्य डिजिटल’ फेसबुक पेज, ट्विटर, कू ॲपवर आणि ‘टेलिग्राम’वर आवर्जून द्या भेट…(बातमीसाठी मोबाईल – 9881192310 व्हाटसअपवर संपर्क करा)
कुलूप न तोडता बेडरूमच्या काचेच्या स्लाईडिंग डोअरमधून चोरटा आत शिरल्याचे निदर्शनास आले. त्यामुळे बनावट चावीचा वापर करूनच चोरी झाल्याचा संशय पोलिसांना आला. त्यानुसार त्यांनी तपास सुरु करीत त्याठिकाणी आतापर्यंत भेटी दिलेल्यांवर पोलिसांनी वॉच ठेवला होता.
□ पोलिसांच्या जाळ्यात अडकला भाऊराव
भाऊराव वाघमोडे हा चार ते पाच दिवसापूर्वी चोरलेल्या वस्तूंपैकी टॅब विकायला हा सिध्देश्वर मंदिराजवळ येणार असल्याची खबर पोलिसांना मिळाली होती. त्यानुसार सहायक पोलिस निरीक्षक निरगुडे यांच्या पथकाने सापळा लावून त्याला जेरबंद केले व बनावट चावीचा वापर करून आपणच स्वतः चोरी केल्याची कबुली त्याने पोलिसांसमोर दिली.
