नवी दिल्ली : रिलायन्स जीओने भारतात आपलं विकसित मोबाईल ब्राउजर ‘जीओ पेजेस’ लाँच केलं आहे. हे 8 भारतीय भाषांमध्ये उपलब्ध आहे. ग्राहकांची गोपनियता लक्षात घेऊन हे ऍप बनवण्यात आलं असून, यामुळे ग्राहकांना चांगल्या ब्राउजिंगचा अनुभव मिळेल, असा दावा कंपनीकडून करण्यात आला आहे.
जीओच्या प्रवक्त्यांनी, कंपनीने हे नवं वेब ब्राउजर लाँच केल्याचं सांगितलं आहे. ‘जीओ पेजेस’ हिंदी, मराठी, तमिळ, गुजराती, तेलुगू, मल्याळम, कन्नड आणि बंगाली भाषांमध्ये काम करेल. मंगळवारपासून अपडेटेड JioPages गुगल प्ले स्टोरवर उपलब्ध करण्यात आलं आहे.
तुमच्या हक्काचे ‘सुराज्य डिजिटल’ फेसबुक पेज, ट्विटर, कू ॲपवर आणि ‘टेलिग्राम’वरही उपलब्ध
JioPages क्रोमियम ब्लिंक इंजिनवर विकसित करण्यात आलं आहे. हे वेगवान इंजिन मायग्रेशनद्वारे, ग्राहकांना ब्राउजिंगचा चांगला अनुभव देईल. या स्वदेशी ब्राउजरवर, वेब पेजही जलद गतीने लोड केले जात असल्याचं सांगण्यात आलं आहे.
अद्याप या वेब ब्राउजरबाबत अधिक माहिती देण्यात आलेली नाही. यापूर्वी कंपनीच्या आधीच्या ब्राउजरलाही गुगल प्ले स्टोरवर 1.4 कोटीहून अधिक वेळा डाऊनलोड करण्यात आलं होतं.
