मुंबई : रेल्वे प्रवाशांसाठी रेल्वेमंत्री अश्विनी वैष्णव यांनी मोठी घोषणा केली आहे. त्यामुळेच आता महिलांना ट्रेनमधील सीटची चिंता करावी लागणार नाही. बस आणि मेट्रो ट्रेनमध्ये महिलांसाठी स्वतंत्र जागा राखीव ठेवल्या जातात, त्याचप्रमाणे आता भारतीय रेल्वेमध्येही महिलांसाठी जागा राखीव ठेवल्या जाणार आहेत.
महिला प्रवाशांसाठी आता रेल्वेच्या प्रत्येक डब्यामध्ये आरक्षित सीटची सुविधा उपलब्ध करून देण्यात येणार असल्याचं रेल्वेमंत्री अश्विनी वैष्णव यांनी सांगितलं आहे. लांब पल्ल्यांच्या गाड्यांमध्ये महिलांसाठी आरक्षित सीट असायला हवेत असा विचार सुरू होता आणि आता त्यावर प्रत्यक्ष अंमलबजावणी करण्यात आली असल्याचं रेल्वेमंत्री अश्विनी वैष्णव यांनी सांगितलं.
आता रेल्वेतील महिला प्रवाशांसाठी भारतीय रेल्वेने लांब पल्ल्याच्या गाड्यांमधील महिला प्रवाशांसाठी विशेष बर्थ बनवले आहेत. याबाबत माहिती देताना केंद्रीय रेल्वे मंत्री अश्विनी वैष्णव म्हणाले की, लांब पल्ल्याच्या गाड्यांमधील महिलांच्या आरामदायी प्रवासासाठी भारतीय रेल्वेने राखीव बर्थसह अनेक सुविधा सुरू केल्या आहेत.
रेल्वेमंत्री म्हणाले, ‘गाड्यांमध्ये महिला प्रवाशांच्या सुरक्षेसाठी विशेष व्यवस्था करण्यात आली आहे. ‘पोलीस’ आणि ‘सार्वजनिक सुव्यवस्था’ हे भारतीय राज्यघटनेच्या सातव्या अनुसूची अंतर्गत राज्याचे विषय आहेत, तथापि, रेल्वे संरक्षण दल (RPF) GRP आणि जिल्हा पोलीस प्रवाशांना उत्तम सुरक्षा प्रदान करतील.’
तुमच्या हक्काचे ‘सुराज्य डिजिटल’ फेसबुक पेज, ट्विटर, कू ॲपवर आणि ‘टेलिग्राम’वरही उपलब्ध
यासोबतच रेल्वे आणि स्थानकांवर महिला प्रवाशांसह इतर प्रवाशांच्या सुरक्षेसाठी जीआरपीच्या मदतीने रेल्वेकडून पावले उचलली जात आहेत. रेल्वे प्रोटेक्शन फोर्सने गेल्यावर्षी संपूर्ण भारतातील ‘मेरी सहेली’ हा उपक्रम सुरू केला होता, ज्याचा उद्देश महिला प्रवाशांना त्यांच्या संपूर्ण प्रवासात रेल्वेने प्रवास करताना सुरक्षा प्रदान करण्याच्या उद्देशाने आहे.
केंद्रीय मंत्री म्हणाले की, लांब पल्ल्याच्या मेल आणि एक्स्प्रेस गाड्यांमध्ये स्लीपर क्लासमध्ये सहा बर्थ आरक्षित केले जातील. गरीब रथ, राजधानी, दुरांन्तोसह संपूर्ण वातानुकूलित एक्स्प्रेस गाड्यांच्या थर्ड एसी कोचमध्ये (3AC वर्ग) महिला प्रवाशांसाठी सहा बर्थ आरक्षित करण्यात आले आहेत.
ज्या लांब पल्ल्याच्या मेल गाड्या आहेत. (उदा: गरीब रथ, राजधानी एक्सप्रेस, दुरांतो) अशा प्रत्येक गाड्याच्या स्लिपरकोचमध्ये इथून पुढे महिलांसाठी सहा बर्थ आरक्षित असणार आहेत. सोबतच थ्री टिअर एसी डब्यामध्ये देखील महिलांसाठी सहा बर्थ आरक्षित करण्यात आले आहेत. आरक्षित सीट पैकी लोअर सीट हे प्राधान्याने ज्येष्ठ महिला आणि गर्भवती महिला यांना देण्यात येणार आहेत. आरक्षित सीट सोबतच महिलांचा रेल्वे प्रवास सुरक्षीत व्हावा यासाठी देखील अनेक निर्णय घेण्यात आले असल्याची माहिती रेल्वे मंत्र्यांनी यावेळी दिली.
प्रत्येक स्लीपर कोचमध्ये सहा ते सात लोअर बर्थ, वातानुकूलित 3 टायर (3AC) डब्यांमध्ये चार ते पाच लोअर बर्थ आणि ज्येष्ठ नागरिकांसाठी वातानुकूलित 2 टायर (2AC) डब्यांमध्ये तीन ते चार लोअर बर्थ. ज्येष्ठ नागरिक, महिला प्रवाशांसाठी 45 वर्षे आणि त्यावरील आणि गर्भवती महिला. आम्ही तुम्हाला सांगतो की ट्रेनमधील त्या वर्गाच्या डब्यांच्या संख्येच्या आधारे आरक्षण केले जाईल.
