कोटा : अयोध्येतील राम मंदिरासाठी देणगी गोळा करण्यासाठी गेलेल्या राष्ट्रीय स्वयंसेवक संघाच्या जिल्हा संचालकावर गोळीबार करण्यात आला. राजस्थानमधील कोटा येथील ही घटना आहे. दीप शाह राम मंदिरासाठी देणगी गोळा करण्यासाठी गेले होते. मात्र, काही जणांनी शाह यांना देणगी गोळा करण्यापासून रोखले. इशारा देऊनही शाह यांनी आपले काम सुरूच ठेवले. यानंतर शाह यांच्यावर गोळ्या झाडण्यात आल्या. यामध्ये दीपक शाह जखमी
झाले.
अयोध्येमध्ये बांधण्यात येणाऱ्या भव्य राम मंदिरासाठी देशभरात देणगी गोळा करण्याची मोहीम सुरू करण्यात आली आहे. देशवासींयांकडूनही याला चांगला प्रतिसाद मिळत असल्याचे दिसत आहे. मात्र, राम मंदिरासाठी देणगी गोळा करण्यासाठी गेलेल्या राष्ट्रीय स्वयंसेवक संघाच्या जिल्हा संचालकावर गोळी झाडण्यात आल्याची धक्कादायक माहिती समोर आली आहे.
तुमच्या हक्काचे ‘सुराज्य डिजिटल’ फेसबुक पेज, ट्विटर, कू ॲपवर आणि ‘टेलिग्राम’वरही उपलब्ध
राजस्थानमधील कोटा येथे ही घटना घडली. राष्ट्रीय स्वयंसेवक संघाचे जिल्हा संचालक दीप शाह राम मंदिरासाठी देणगी गोळा करण्यासाठी गेले होते. मात्र, काही जणांनी दीपक शाह यांना देणगी गोळा करण्यापासून रोखले. इशारा देऊनही दीपक शाह यांनी आपले काम सुरूच ठेवले. यानंतर शाह यांच्यावर गोळ्या झाडण्यात आल्या.
कोटा येथील रामगंज मंडी भागातील झालवाडामधून तीन जणांना या प्रकरणी अटक करण्यात आली आहे. दीपक शाह यांना एमबीएस रुग्णालयात उपचारांसाठी दाखल करण्यात आले आहे. या गोळीबारादरम्यान शाह यांच्या पायाला दोन गोळ्या लागल्या. ही घटना मध्यरात्री उशीरा घडली.
* असा घडला प्रकार
दीपक शाह सायंकाळी ६ ते ७ वाजता राम मंदिरासाठी देणगी गोळा करण्यासाठी निघाले होते. यानंतर मध्यरात्री तीन जण दुचाकीवरून आले आणि दीपक शाह यांच्यावर गोळीबार सुरू केला. यामध्ये दीपक शाह जखमी झाले. दीपक शाह यांच्यावर उपचार सुरू असून, त्यांची प्रकृती सध्या स्थिर आहे. या घटनेनंतर या भागातील पोलीस बंदोबस्त वाढवण्यात आला आहे. तसेच या घटनेचा पोलीस अधिक तपास करीत आहे.
