नवी दिल्ली : देशातील सर्वात मोठी बँक स्टेट बँक ऑफ इंडियाने आपल्या 54 लाख निवृत्तीवेतन धारकांसाठी विशेष एसबीआय पेन्शन सेवा सुरू केली आहे. एसबीआयकडे पेन्शन खाते असलेल्या निवृत्तीवेतन धारकांना ही सुविधा उपलब्ध असेल.
एसबीआयकडे पेन्शन खाती असलेले पेन्शनर्स एसबीआय पेन्शन सेवा वेबसाइट सुरु केली आहे. एसबीआय पेन्शनसेवा वेबसाइट वापरणे सोपे आहे आणि सामान्य पेन्शनधारकांना त्याचा फायदा होईल. एसबीआय कडून निवृत्तीवेतन मिळविणारे निवृत्तीवेतनधारक एसबीआय पेन्शन सेवेच्या संकेतस्थळावर लॉग इन करू शकतात आणि आपल्या निवृत्तीवेतनाशी संबंधित तपशील त्वरित तपासू शकतात.
(तुमचे हक्काचे ‘सुराज्य डिजिटल’ फेसबुक पेज, ट्विटर, शेअरचॅट आणि टेलिग्रामवरही उपलब्ध)
* या कोरोनाच्या महामारीत सर्वात जास्त प्रभाव ज्येष्ठ नागरिकावर झाला आहे. मृत आणि बाधितांमध्ये सर्वात जास्त संख्या वृध्द लोकांची आहे. त्यामुळे त्यांना बाहेर न पडण्याचा सल्ला दिला जात आहे. त्यामुळे या सोयीचा चांगला फायदा होणार आहे. जरी यांना इंटरनेट, मोबाईल चालवता येत नसले तरी घरातील कोणाकडून तरी मदत घेऊन या सोयीचा निश्चित फायदा घेऊ शकतील.
* पेन्शन सेवेवर मिळतील या सुविधा
एसबीआय पेन्शनसेवा ही एक वेबसाइट आहे जिथे एसबीआय पेन्शनर्स लॉगइन करू शकतात आणि पेन्शनशी संबंधित तपशील त्वरित पाहू शकतात.
या संकेतस्थळावर उपलब्ध असलेल्या सेवांमध्ये एरियर कॅल्क्युलेशन सीट आणि पेन्शनस्लिप/ फॉर्म 16 डाउनलोड करणे, पेन्शन प्रोफाइल तपशील व गुंतवणूकी संबंधित तपशील, जीवन प्रमाणपत्राची स्थिती व व्यवहाराचा तपशील यांचा समावेश आहे.
* नोंदणी अशी करा
एसबीआयकडे पेन्शन खाती असलेले पेन्शनर्स एसबीआय पेन्शन सेवा वेबसाइट https://www.pensionseva.sbi/WebPages/Login/PendererRegifications.aspx वर नोंदणी करू शकतात. नवीन पेंशनधारकाची नोंदणी करण्यासाठी युजर-आयडी, पेन्शन खाते क्रमांक, जन्मतारीख, पेन्शन भरणा शाखा कोड, शाखेत सबमिट केलेली समान ई-मेल आयडी आवश्यक असते.
निवृत्तीवेतनधारकांना एसबीआय पेन्शन सेवा वेबसाइटवर विस्तारित लाभ देखील मिळतील. कोणते लाभ मिळतील ते जाणून घेऊया –
– मोबाइल फोनवर पेन्शन देय तपशिलाचा एसएमएस अलर्ट
– ईमेल / पेन्शन पेमेंट शाखेच्या माध्यमातून पेन्शन स्लिप
– स्टेट बँक ऑफ इंडियाच्या कोणत्याही शाखेत लाइफ प्रमाणपत्र सादर करण्याची सुविधा
– जीवनप्रमाण (JeevanPramaan) ची सुविधा शाखांमध्ये उपलब्ध
– ज्येष्ठ नागरिक बचत योजना (SCSS)
– संरक्षण / रेल्वे / सीपीएओ / राजस्थान निवृत्तीवेतनधारकांसाठी ईपीपीओची तरतूद.
