लाहोर , 17 मार्च (हिं.स.)।पाकिस्तानातील क्वेटा येथील विमानतळ रोडवर अज्ञात हल्लेखोरांनी जमियत उलेमा-ए-इस्लाम (जेयूआय) चे वरिष्ठ नेते मुफ्ती अब्दुल बाकी नूरझाई यांची गोळ्या घालून हत्या केली.या हल्ल्यात ते गंभीर जखमी झाले असून, त्यांना रुग्णालयात नेण्यात आले. परंतु उपचारादरम्यान त्याचा मृत्यू झाला.
क्वेट्टा विमानतळाजवळ जमियत उलेमा-ए-इस्लाम (जेयूआय) चे वरिष्ठ नेते ‘मुफ्ती अब्दुल बाकी नूरझाई’ यांची अज्ञात हल्लेखोरांनी हत्या केली आहे.हल्लेखोरांनी मुफ्तींवर अंदाधुंद गोळीबार केला. पोलिसांनी दिलेल्या माहितीनुसार, या हल्ल्यात तो गंभीर जखमी झाला आणि त्याला ताबडतोब रुग्णालयात दाखल करण्यात आले. रुग्णालयाच्या अधिकाऱ्यांनी पुष्टी केली की मुफ्ती अब्दुल बाकी नूरझाई यांचा मृत्यू गंभीर दुखापतींमुळे झाला. सुरक्षा दलांनी घटनास्थळी पोहोचून तपास सुरू केला, परंतु हल्लेखोर घटनास्थळावरून पळून गेले.क्वेट्टामध्ये ही सलग तिसरी मोठी घटना आहे.
जम्मू आणि काश्मीरमधील अनेक घातक दहशतवादी हल्ल्यांसाठी हवा असलेला लष्कर-ए-तोयबाचा एक प्रमुख कमांडर झिया-उर-रहमान उर्फ नदीम उर्फ अबू कताल उर्फ कताल सिंधी याला शनिवारी(दि.१५) संध्याकाळी पंजाब प्रांतातील झेलम भागात गोळ्या घालून ठार मारण्यात आले.रहमान हा लष्करचा संस्थापक हाफिज सईदचा विश्वासू सहकारी मानला जात असे. तो जम्मू-काश्मीरमधील पूंछ-राजौरी भागात दहशतवादी कारवायांमध्ये सहभागी होता. रहमानने २००० च्या सुरुवातीला जम्मू भागात घुसखोरी केली होती आणि २००५ मध्ये तो पाकिस्तानात परतला. त्याचे पूंछ आणि राजौरीमध्ये दहशतवादी साथीदारांचे एक मजबूत नेटवर्क होते.
गेल्या काही काळात पाकिस्तानमध्ये दहशतवादी हल्ल्यांमध्ये वाढ झाली आहे. रविवारी(दि. १६), क्वेट्टाहून तफ्तानला जाणाऱ्या लष्कराच्या ताफ्यावर झालेल्या दहशतवादी हल्ल्यात सात सैनिक ठार आणि २१ जखमी झाले. बलुच लिबरेशन आर्मी (बीएलए) ने या हल्ल्याची जबाबदारी स्वीकारली आणि दावा केला की यात ९० सैनिक मारले गेले आहेत. शिवाय, ११ मार्च रोजी क्वेट्टाहून पेशावरला जाणाऱ्या जाफर एक्सप्रेसचे बीएलए बंडखोरांनी अपहरण केले. गेल्या तीन वर्षांत पाकिस्तान आणि पीओकेमध्ये अज्ञात बंदूकधाऱ्यांनी लष्कर-ए-तैयबा, जैश-ए-मोहम्मद आणि हिजबुल मुजाहिदीनच्या डझनहून अधिक दहशतवाद्यांना ठार मारले आहे.
