सोलापूर : सोलापुरातील सेटलमेंटची ७० एकर जागा विमुक्तांची गृहनिर्माण सोसायटी व विमुक्त स्मृतिस्तंभ निर्माण करण्याचे मदत व पुनर्वसन मंत्री विजय वडेट्टीवार यांच्या बैठकीत निर्णय झाला आहे. हा निर्णय सोलापुरातील विमुक्त समाजासाठी खूप आनंदाचा आहे.
सोलापुरातील सेटलमेंट येथील अंदाजे ७० एकर जागेवर विमुक्त समाजाची गृहनिर्माण सोसायटी निर्माण व्हावी यासाठी माजी गृहमंत्री सुशीलकुमार शिंदे आणि आमदार प्रणिती शिंदे यांनी शासन दरबारी पाठपुरावा केला होता.
तुमच्या हक्काचे ‘सुराज्य डिजिटल’ फेसबुक पेज, ट्विटर, कू ॲपवर आणि ‘टेलिग्राम’वरही उपलब्ध
सदर जागा विमुक्तांच्या गृहनिर्माण संस्थेसाठी ६५ एकर व ५ एकर जागा स्मृतीस्तंभास माणुसकी प्रतिष्ठानला देण्याबाबत मदत व पुनर्वसन मंत्री विजय वडेट्टीवार यांनी विमुक्त समाजाच्या प्रमुखांच्या बैठकीत घेतला. याबाबत सोलापूरचे जिल्हाधिकारी मिलिंद शंभरकर यांना मंत्री विजय वडेट्टीवार यांनी फोन करुन प्रस्ताव सादर करण्यास सांगितले.
या बैठकीत भटके-विमुक्त जमातीचे नेते भारत माणिक जाधव, शंकर जाधव, पारूबाई काळे, नागनाथ गायकवाड, महेश काळे, कविता चव्हाण यांच्यासह ओबीसी व्हिजेएनटी समन्वय समितीचे अरुण खरमाटे प्रा. सुशीला मोराळे, बापू विभुते, प्रकाश राठोड, हसीब नदाफ उपस्थित होते. या निर्णयामुळे विमुक्त समाजामध्ये आनंदाचे वातावरण असून मंत्री सरकारचे आभार व्यक्त करण्यात येत आहे. या महत्वाच्या निर्णयानंतर सोलापूर शहर काँग्रेसचे अध्यक्ष प्रकाश वाले यांनी विजय वडेट्टीवार यांचे आभार व्यक्त केले आहे.
