पुणे, 25 जून (हिं.स.)।
माळेगांव सहकारी साखर कारखाना निवडणुकीची मतमोजणी बुधवारी सलग दुसऱ्या दिवशी देखील सुरु आहे. पहिल्याच निकालात राज्याचे उपमुख्यमंत्री अजित पवार यांनी बाजी मारली आहे. पवार यांंनी माळेगाव कारखान्याच्या निवडणुकीत ‘ब’ वर्गातुन दणदणीत विजय मिळवला. उपमुख्यमंत्री पवार यांच्यासह ९उमेदवार त्यांंच्या गटाचे निवडुन आले आहेत. तर सहकार बचाव पॅनल चे नेते, माळेगावं चे माजी अध्यक्ष रंजनकुमार तावरे पराभूत झाले आहेत. त्यामुळे अजित पवार हे माळेगांवचा गड राखण्यात यशस्वी झाल्याचे मानले जात आहे. उपमुख्यमंत्री पवार यांच्या रुपाने माळेगावला नवा कारभारी मिळाला आहे. तर शरद पवार गटाची पिछाडी कायम आहे.
त्यानंतर त्यांंच्याच गटाचे अनुसुचित जाती व जमाती प्रवर्गातून रतनकुमार भोसले यांना ८६७० मते मिळाली, तर विरोधी गटाचे उमेदवार बापुराव गायकवाड यांना ७१८३ मते मिळाली. भोसले हे १४८७ मतांच्या फरकाने विजयी झाले आहेत. मागास प्रवर्गातून नितीन शेंडे यांना ८४९४ मते मिळाली. तर सहकार बचाव पॅनलचे रामचंद्र नाळे यांना ७३४१ मते मिळाली. शेंडे यांचा ११५३ मतांनी विजय झाला. भटक्या विमुक्त जाती जमती प्रवर्गातून विलास देवकाते आणि महिला राखीवमधुून संगीता कोकरे आणि ज्योती मुलमुले या विजयी झाल्या आहेत. देवकाते यांचा २२२७ मतांनी विजय झाला आहे. बाळासाहेब तावरे, शिवराज राजे जाधवराव, राजेंद्र बुरुगले निवडून आले आहेत. तर विरोधी गटाचे नेते रंजन तावरे पराभूत झाले आहेत.
