अमरावती, 28 जून (हिं.स.)
राष्ट्रवादी काँग्रेस शरदचंद्र पवार हा एका विचारधारेवर चालणारा पक्ष असून नवीन कार्यकर्त्यांनी मोठ्या प्रमाणात पक्षात प्रवेश घ्यायला सुरुवात केली आहे. सर्वांनी संघटन मजबूत करण्यासाठी जोमाने प्रयत्न करावे, असे आवाहन शहर जिल्हाध्यक्ष प्रा. डॉ.हेमंत देशमुख यांनी केले.
राष्ट्रवादी काँग्रेस शरद चंद्र पवार पक्षाच्यावतीने आयोजित कार्यक्रमांमध्ये मोठ्या प्रमाणात कार्यकर्त्यांनी प्रवेश घेतला यावेळी ते बोलत होते.राष्ट्रवादी कॉंग्रेस (शरदचंद्र पवार) पक्षाचे अमरावती शहर जिल्हाध्यक्ष प्रा. डॉ .हेमंत देशमुख यांच्या अध्यक्षतेखाली प्रदेश सचिव निखील देशमुख यांच्या नेतृत्वात ५३ कार्यकर्त्यांनी नुकताच पक्षात प्रवेश केला. यावेळी पक्षाचे पदाधिकारी सय्यद मंसूर, अविनाश ठाकरे, वर्षाताई भटकर, विशाल बोरखडे,मंगेश भटकर, सतिश चरपे इत्यादी पदाधिकारी उपस्थीत होते. यावेळी ‘प्रफुल धनराज डोंगरे,संदेश केशव मेश्राम,महेश ज्ञानेश्वर रामटेके,आकाश ज्ञानेश्वर रामटेके, अजिमखान,मोईन खान,अमन रामचंद्र वानखडे,गौतम वले,गुलाल आवारे आदींनी प्रवेश करून पक्षाचा झेंडा हाती घेतला.
तसेच येणाऱ्या महानगर पालीका निवड‌णू‌कांमधे पक्षाच्या उमेदवारांना निवडून आणायचा निर्धार व्यक्त केला. यावेळी पक्षप्रवेश घेतलेल्या सर्वांचे अभिनंदन करून पुढील कार्यासाठी शहराध्यक्ष प्रा .डॉ.हेमंत देशमुख यांनी सर्वांना शुभेच्छा दिल्या.
