उस्मानाबाद : भाजपचे ज्येष्ठ नेते एकनाथ खडसे राष्ट्रवादीत प्रवेश करणार अशी चर्चा रंगली आहे. पण, आता खुद्द राष्ट्रवादीचे अध्यक्ष शरद पवार यांनी एकनाथ खडसे यांच्या राष्ट्रवादीप्रवेशाबद्दल महत्त्वाचे विधान केले आहे. ‘त्यांना जर राजकीय निर्णय घ्यायचा असेल तर, तो त्यांना पाहावा लागणार आहे’ असं पवार म्हणाले.
उस्मानाबादमधील अतिवृष्टीने नुकसान झालेल्या भागाची पाहणी केल्यानंतर आज शरद पवार यांनी पत्रकार परिषद घेऊन माहिती दिली. यावेळी त्यांनी खडसेंच्या राष्ट्रवादीत प्रवेशावर भूमिका स्पष्ट केली.
‘सुराज्य डिजिटल’ आता टेलिग्रामवर! चॅनल जॉईन करा व मिळवा सर्व महत्वपूर्ण अपडेट्स, तर मग चॅनल जॉईन करा…फेसबुक पेज, टेलिग्राम, ट्वीटर आणि शेअरचॅटवरही उपलब्ध
एकनाथ खडसे विरोधीपक्ष नेते होते. राज्याचे अर्थमंत्री होते. एक नेता म्हणून खडसे यांचे मोठे योगदान आहे. ते आम्ही पाहिले आहे. आणि त्यामुळे त्याचं कर्तृत्व, जबाबदारी आम्ही पाहिले आहे. त्यामुळे राजकीय निर्णय काय घ्यायचा आहे, तो त्यांना पाहावा लागणार आहे, असं पवार म्हणाले.
या वक्तव्यावरुन एकनाथ खडसेंना राष्ट्रवादी घेण्यास इच्छुक असून यावर एकनाथ खडसेंनाच निर्णय घ्यावयाच आहे, असेच शरद पवारांनी सुचविले आहे. काल एकनाथ खडसेंनी मी भाजपा सोडले नाही आणि पदाचा राजीनामा दिला नाही, असे ठणकावून सांगितले. त्यामुळे आजच्या शरद पवारांने हे वक्तव्य केल्याचे म्हटले जात आहे.
तसंच, ‘गेली 25 वर्ष पाहिली तर सर्वात प्रभावी विरोधीपक्ष नेते म्हणून खडसेंची ओळख आहे. पण, दुर्दैवाने त्याची दखल घेतली गेली नाही. त्यांना त्याबद्दल दु: ख वाटत असेल. त्यामुळे आपल्या कामाची जिथे नोंद घेतली तिथे जावे वाटते का, असा विचार करत असतील. पण, त्यांना आमच्या पक्षाबद्दल विश्वास वाटत असेल तर काही करता येणार नाही’ असं सूचक विधानही पवारांनी केले.
