सोलापूर, 4 एप्रिल (हिं.स.)। सोलापूर जिल्ह्यातील सर्व पशुपालक शेतकरी, व सुशिक्षित बेरोजगारांना कळविण्यात येते कि, पशुसंवर्धन विभाग जिल्हा परिषद सोलापूरच्या वतीने सधन कुक्कुट विकास गट नेहरू नगर, सोलापूर येथे 5 दिवसाचे कुक्कुट पालन प्रशिक्षण आयोजित केले असून 21 एप्रिल ते 25 एप्रिल पर्यंत प्रशिक्षण कालावधी असून, प्रवेश घेऊ इच्छीत असलेल्यांनी 07 ते 17 एप्रिल या कालावधित अर्ज करून प्रशिक्षणाचा लाभ घ्यावा.
सदर प्रशिक्षानार्थ्यांसाठी शैक्षणिक पात्रता किमान 7 वी पास असणे अपेक्षित आहे. तसेच सदर प्रशिक्षण सुशिक्षित बेरोजगारांना सुवर्ण संधी आहे. सदर प्रशिक्षणासाठी प्रवेश फी सर्व प्रवर्गासाठी 200/- रुपये आकारण्यात येईल सोबत शाळा सोडण्याचा दाखला, जातीचा दाखला, आधार कार्ड, फोटो जोडणे आवश्यक आहे, असे आव्हान जिल्हा पशुसंवर्धन अधिकारी, जिल्हा परिषद सोलापूर डॉ. एन. एल. नरळे, यांनी केले आहे. सदर प्रशिक्षणासाठी पशुधन विकास अधिकारी, डॉ. एस. एम. बोधनकर, यांच्याशी संपर्क साधावा. पत्ता-सधन कुक्कुट विकास गट, नेहरू नगर, बी.पी.एड. कॉलेज जवळ, सोलापूर.
