सोलापूर, 26 एप्रिल (हिं.स.)।
जिल्हा परिषदेच्या पशुसंवर्धन विभागाअंतर्गत सघन कुक्कुट विकास गट, नेहरू नगर, सोलापूर येथे सन 2025-26 मधील कुक्कुटपालन व्यवसाय प्रशिक्षणाची तुकडी क्र. 1 चे पशुधन विकास अधिकारी गट-अ, नेहरू नगर सोलापूर डॉ. स्नेहंका बोधनकर, यांच्या हस्ते प्रमाणपत्र वाटप करण्यात आले. सदर प्रसंगी प्रशिक्षणार्थ्यांमधून वसंत व्हनमाने, रा. गोटेवाडी ता. मोहोळ व तसेच प्रविण जगताप, रा. सोहाळे ता. मोहोळ यांनी सदर प्रशिक्षणामधून स्वयंरोजगार निर्मितीसाठी कुक्कुटपालन व्यवसाय फायदेशीर असून याबाबत सखोल असे मार्गदर्शन मिळाल्याबाबत आभार व्यक्त केले.
सदर प्रशिक्षणास महिलांची उपस्थिती लक्षणीय होती. सधन कुक्कुट विकास गटचे प्रमुख डॉ. नेहंका बोधनकर, पशुधन विकास अधिकारी गट-अ यांनी प्रशिक्षणाची यशोगाथा विषद केली. कार्यक्रमाचे सूत्रसंचालन सहाय्यक पशुधन विकास अधिकारी एस. पी. माने, यांनी केलेअसून सदर प्रशिक्षणाची तुकडी 21 एप्रिल ते 25 एप्रिल या कालावधीत संपन्न झालेली असून सदर कार्यक्रम यशस्वी होण्यासाठी जमादार यांनी परिश्रम घेतलेले आहेत. तरी पुढील तुकडीस जिल्ह्यातील पशुपालकांनी तसेच महिलांनी मोठ्या प्रमाणात सहभाग नोंदवून परसातील कुक्कुटपालन व्यवसायास चालना मिळण्यासाठी नोंदणी करून लाभ घ्यावा, असे आवाहन पशुधन विकास अधिकारी गट-अ डॉ. स्नेहंका बोधनकर, यांनी केले आहे.
