सोलापूर, 24 जून (हिं.स.) : गृहनिर्माण प्रकल्पाची देखरेख करणाऱ्या एकाने मालकाच्या परस्पर फ्लॅट विकून ४७ लाख ५० हजारांची फसवणूक केली. याप्रकरणी त्याच्याविरुद्ध फौजदार चावडी पोलिस ठाण्यात गुन्हा दाखल केला आहे. पोलिसांनी त्याला अटक केली असून तीन दिवसांची पोलिस कोठडी मिळाली आहे. वय ४५, रा. साई नगर गृहनिर्माण संस्था, जुळे सोलापूर) असे पोलिस कोठडी मिळालेल्याचे नाव आहे.
यातील फिर्यादी विद्या मिलिंद लोलगे (वय ४१, रा. अ. जिद्द ब्रह्मचैतन्य नगर, विजापूर रोड, सोलापूर) यांच्या मालकीच्या प्रेषक रेसिडेन्सी अपार्ट या गृहनिर्माण प्रकल्पाची देखरेख करण्याचे काम अब्दुल कय्यूम हा करत होता. त्याने २०१८ ते २०२२ या कालावधीत त्यातील फ्लॅट क्रमांक १०४ साठी रवींद्र पाटील यांच्याकडून १३ लाख, फ्लॅट क्रमांक २०२ साठी उमा लोकरे यांच्याकडून १० लाख, फ्लॅट क्रमांक ४०१ साठी परमार यांच्याकडून २४ लाख व फ्लॅट क्रमांक २०२१ साठी हिबारे यांच्याकडून ५० हजार रुपये असे एकूण ४७ लाख ५० हजार रुपये घेतले. त्याने त्या फ्लॅट्सचा ताबा त्यांच्याकडे दिला असून ते तेथे राहत आहेत. फिर्यादी लोलगे यांच्या परस्पर त्याने पैसे घेऊन फ्लॅट विकले. ही बाब उघडकीस आल्यानंतर लोलगे यांनी पोलिसांत फिर्याद दिली.————–
