नवी दिल्ली : स्टाफ सिलेक्शन कमिशनकडून केंद्रीय निमलष्करी पोलीस दलांमध्ये कॉन्स्टेबल भरती प्रक्रिया जाहीर केली आहे. केंद्रीय राखीव पोलीस दल,इंडो तिबेटीयन बॉर्डर पोलीस , सीमा सुरक्षा बल , केंद्रीय औद्योगिक सुरक्षा बल , सशस्त सीमा बल ,नॅशनल इनवेस्टिगेशन एजन्सी आणि सचिवालय सुरक्षा बल आसाम रायफल्समधील भरती प्रक्रियेबाबत 25 मार्चला अधिकृत घोषणा होणार आहे.
भरतीसाठी अधिकृत वेबसाइट ssc.nic.in वर अधिसूचना प्रसिद्ध केली जाईल. या भरतीसाठी 2 ऑगस्ट ते 25 ऑगस्टला संगणक-आधारित पद्धतीनं परीक्षा होईल. एसएससी जीडी कॉन्स्टेबल 2021 साठी अर्ज करणारे उमेदवार दहावी उत्तीर्ण असावेत.
तुमच्या हक्काचे ‘सुराज्य डिजिटल’ फेसबुक पेज, ट्विटर, कू ॲपवर आणि ‘टेलिग्राम’वरही उपलब्ध
उमेदवारांचे वय 18 ते 23 वर्षे दरम्यान असणे आवश्यक आहे (आवश्यक) ज्या उमेदवारांनी एसएससी जीडी कॉन्स्टेबल भर्ती 2021 साठी यशस्वीरित्या अर्ज केले आहेत त्यांना अनुसूचित संगणक-आधारित एसएससी जीडी कॉन्स्टेबल परीक्षा 02 ऑगस्ट ते 25 ऑगस्ट 2021 या कालावधीत मागविण्यात येतील. उमदेवार https://ssc.nic.in/SSCFileServer/Portal Management/UploadedFile या लिकंवर जाऊन अधिक माहिती जाणून घेऊ शकता.
* 55 हजार 915 जागांवर भरती प्रक्रिया
स्टाफ सिलेक्शन कमिशनकडून जीडी कॉन्स्टेबल पदासाठी 55 हजार 915 जागांवर भरती प्रक्रिया होणार आहे. त्यामध्ये 47 हजार 582 जागा पुरुष उमेदवारांसाठी तर 8 हजार 333 जागा महिला उमेदवारांसाठी ठेवण्यात आल्या आहेत. 2018 मध्ये 60 हजार 210 मध्ये पदांसाठी भरतीची जाहिरात देण्यात आली होती. त्याचा निकाल जानेवारी 2021 मध्ये जाहीर झाला होता.
जीडी कॉन्स्टेबल पदासाठी 21700-69100 इतक वेतन दिलं जाते. कॉन्स्टेबल पदासाठी अर्ज करणारा उमेदवार 10 वी उत्तीर्ण असणं आवश्यक असून त्याचं वय 18 ते 23 च्या दरम्यान असणं आवश्यक आहे. ऑनलाईन परीक्षेमध्ये सामान्यज्ञान, गणित, हिंदी आणि इंग्रजी, तार्किक क्षमता याविषयी प्रश्न विचारले जातात. यासाठी खुल्या प्रवर्गासाठी 100 रुपये परीक्षा फी आहे. तर, महिला, एससी, एसटी आणि माजी सैनिकांसाठी कोणतीही फी नाही.
