दरेकर-कुसाळकरांच्या नेतृत्वाखाली ’सहकार पॅनेल’ची विजयी घोडदौड
मुंबई, 7 जुलै (हिं.स.) – महाराष्ट्र राज्य सहकारी संघाच्या सन २०२५ ते २०३० या पंचवार्षिक निवडणुकीकरिता आमदार प्रविण दरेकर, राज्य सहकारी संघाचे नेते संजय कुसाळकर व ज्येष्ठ सहकार नेते शिवाजीराव नलावडे यांच्या नेतृत्वाखाली सहकार पॅनेलने आपले उमेदवार घोषित केले आहेत.
राज्यस्तरीय व विभागनिहाय उमेदवार
१. प्रकाश यशवंत दरेकर – राज्यस्तरीय संघ प्रतिनिधी, २. हिरामण सातकर – पुणे विभाग, ३. धनंजय सर्जेराव कदम (शेडगे) – कोल्हापूर विभाग, ४. प्रवीण दरेकर – मुंबई विभाग, ५. अरुण पानसरे – कोकण विभाग, ६. गुलाबराव मगर – औरंगाबाद विभाग, ७. वसंत पाटील – लातूर विभाग, ८. प्रकाश भिशीकर – नागपूर विभाग, ९. अशोक जगताप – विभागीय सहकारी संघ प्रतिनिधी, १०. रिक्त – नाशिक विभाग, ११. रिक्त – अमरावती विभाग
इतर संस्था प्रतिनिधी –
१२. संजीव कुसाळकर, १३. रामदास मोरे, १४. नितीन बनकर, १५. सुनील जाधव पाटील, १६. नंदकुमार काटकर, १७. विष्णू घुमरे – अनुसूचित जाती/जमाती, १८. अनिल गजरे – भटक्या/विमुक्त जमाती, १९. अर्जुनराव बोरुडे – इतर मागासवर्ग, २०. जयश्री पांचाळ – महिला प्रतिनिधी, २१. दीपश्री नलावडे – महिला प्रतिनिधी
निवडणुकीपूर्वी ‘सहकार पॅनेल’चे प्रविण दरेकर, गुलाबराव मगर आणि प्रकाश दरेकर हे ३ उमेदवार बिनविरोध निवडून आले आहेत. राज्य सहकारी संघ अडचणीत असून संघास उर्जितावस्था आणण्यासाठी ‘सहकार पॅनेल’ निवडणुकीत उतरले आहे. गत निवडणुकीत कुसाळकर-दरेकर एकमेकांविरोधात पॅनेल उभे करून लढले होते. परंतु या निवडणुकीत राज्याचे मुख्यमंत्री देवेंद्र फडणवीस यांनी कुसाळकर व दरेकर यांना एकत्र लढण्याचे सूचित केले. शिक्षण-प्रशिक्षण देणारी संस्था असल्याने फार स्पर्धा-वाद न करता संघात समन्वयातून काम करण्यास सांगितले. त्यांच्या सूचनेचाही कुसाळकर यांनी आदर राखला.
९० टक्के मतदान कुसाळकर-दरेकर यांच्या नेतृत्वाखाली नोंदवले गेले असल्याने ‘सहकार पॅनेल’चा विजय निश्चित मानला जात आहे. सर्व मतदारांनी, उमेदवारांनी ‘सहकार पॅनेल’ला साथ द्यावी, असे आवाहन कुसाळकर व दरेकर यांनी केले आहे.
