जालना : राज्यात एक शुभवार्ता आहे.तशी माहिती खुद्द आरोग्य मंत्र्यांनी दिली आहे. महराष्ट्र राज्यात कोरोनाच्या तिसऱ्या लाटेचे संकेत सध्यातरी नाही, मात्र सणासुदीच्या काळात होणाऱ्या गर्दीमुळे कोरोनाबाधित रुग्णांच्या संख्येत वाढ होऊ शकते. पण लसीकरणाचा वेग वाढवल्यास संक्रमण जास्त होणार नाही, अशी माहिती राज्याचे आरोग्यमंत्री राजेश टोपे यांनी दिली.
राज्यात सध्या दररोज 13 ते 14 लाख जणांना लसीकरण करण्यात येत असून डेल्टाची रुग्णसंख्या सध्या राज्यात स्थिर आहे. त्यामुळे नागरीकांनी कोरोनाच्या नियमांचं पालन करावं असंही टोपे म्हणाले.राज्यात दररोज 15 ते 20 लाख लसीकरण करण्याचा आरोग्य विभागाचा मानस असून आरोग्य विभागाचे कर्मचारी घरोघरी जाऊन लसीकरण करून घेण्यासाठी फिरत असल्याचं देखील टोपे यांनी स्पष्ट केलं.
यापूर्वी राज्यात कोरोनाची तिसरी लाट येणार असल्याचे वक्तव्य करण्यात आले होते. त्यामुळे आजचे वक्तव्य राज्यासाठी दिलासादायक आहे,राज्यात कोरोनाच्या तिसऱ्या लाटेचे संकेत सध्यातरी नाही, अशी माहिती राज्याचे आरोग्यमंत्री राजेश टोपे यांनी दिली आहे. ते जालन्यात बोलत होते.
तुमच्या हक्काचे ‘सुराज्य डिजिटल’ फेसबुक पेज, ट्विटर, कू ॲपवर आणि ‘टेलिग्राम’वरही उपलब्ध
सणासुदीच्या काळात राज्यात होणाऱ्या गर्दीमुळे कोरोनाच्या रुग्णसंख्येत वाढ होऊ शकते, पण लसीकरणाची गती वाढवली तर संक्रमण जास्त होणार नाही, असंही त्यांनी स्पष्ट केले.
25 आणि 26 तारखेला आरोग्य विभागाकडून गट क आणि ड या पदासाठीच्या 6 हजार 200 जागांसाठी परीक्षा घेण्यात येणार असून परीक्षा केंद्रावर जॅमर बसवले जाणार असल्याची माहिती टोपे यांनी दिली. जॅमर बसवल्यामुळे परीक्षेदरम्यान कॉपी सारख्या प्रकाराला आळा बसेल, असा विश्वास त्यांनी व्यक्त केला. या परीक्षा अत्यंत पारदर्शकपणे पार पडेल असंही ते म्हणाले.
दरम्यान, परीक्षा होणार असल्याचे आरोग्य मंत्री म्हणत आहेत. मात्र आजही अनेक उमेदवारांना हॉलतिकिट मिळाले नाही. त्यामुळे परीक्षार्थी संभ्रमात आहे. काही दिवसावर परीक्षा येवून ठेपली आहे. या परीक्षेची अनेक तरुण वाट पाहत होते. पण प्रशासनाच्या दुर्लक्षपणामुळे, ढिसाळ नियोजनामुळे कोणी परीक्षेपासून वंचित राहिल्यास कोण जबाबदार, असा संतापही व्यक्त होत आहे.
