वॉशिंग्टन, 19 मार्च (हिं.स.)।भारतीय वंशाच्या आणि अमेरिकन अंतराळ संस्था नासाच्या अंतराळवीर सुनीता विल्यम्स आणि बुच विल्मोर अखेर तब्बल 9 महिन्यांनंतर पृथ्वीवर परतले आहेत. दोन्ही अंतराळवीर आज(दि. १९) भारतीय वेळेनुसार पहाटे ३.३० वाजता फ्लोरिडाच्या किनाऱ्यावर सुरक्षितपणे उतरले. हे दोघेही इलॉन मस्क यांच्या स्पेसएक्सच्या ड्रॅगन यानाच्या सहाय्याने पृथ्वीवर परतले आहेत.
सुनिता विल्यम्स आणि बुच विल्मोर यांचे स्पेसएक्स कॅप्सूल आंतरराष्ट्रीय स्पेस स्टेशनहून निघाल्यानंतर काही तासांतच आज बुधवारी (दि. १९)अंतराळवीरांच्या स्पेसएक्स कॅप्सूलने मेक्सिकोच्या आखातात पॅराशूटने उड्डाण केले. फ्लोरिडातील टालाहासीच्या किनाऱ्याजवळ ही लँडिंग झाली. अंतराळ संस्था नासाने अंतराळवीरांच्या लँडिंगचा व्हिडिओ देखील जारी केला आहे. परतीच्या प्रवासादरम्यान, सुनीता विल्यम्स आणि बुच विल्मोर यांच्यासोबत, क्रू-९ चे इतर दोन अंतराळवीर, निक हेग आणि अलेक्झांडर गोर्बुनोव्ह देखील परतले. तो ड्रॅगन अंतराळयानातून पृथ्वीवर परतला. अंतराळातून परतल्यानंतर, सुनीता विल्यम्स आणि तिच्या साथीदारांना स्ट्रेचरवर नेण्यात आले. त्यानंतर त्यांची तपासणी करण्यात आली. तसेच या अंतराळवीरांना ४५ दिवस रिहॅबिलेटेशनसाठी पाठवण्यात येणार आहे.
सुनीता विल्यम्स आणि बुच विलमोर हे गेल्या 5 जून 2024 रोजी आंतरराष्ट्रीय अंतराळ स्थानकावर (आयएसएस) वर पोहोचले होते. त्यांचा हा प्रवास केवळ 8 दिवसांचाच होता. मात्र, काही तांत्रिक कारणांमुळे त्यांना 9 महिने तेथे थांबावे लागले. यानंतर आता ते पुन्हा पृथ्वीवर परतले आहेत. आपल्या मिशनच्या या दीर्घकाळात त्यांनी विविध प्रकारची कामे केली.
