नवी दिल्ली : आघाडीची सर्च इंजिन कंपनी गुगल लवकरच TrueCaller ला पर्याय म्हणून ‘Phone by Google’ हे अॅप नवीन व्हर्जनमध्ये आणण्याच्या तयारीत आहे. मात्र, अद्याप गुगलकडून याबाबत अधिकृत माहिती देण्यात आलेली नाही.
गुगल फोन अॅपमध्ये नुकतेच कॉलरचं नाव वाचण्यासह अन्य अनेक नवीन फिचर्स जोडण्यात आले आहेत. गुगलने या अॅपमध्ये ऑटो डिलेशन फिचरही दिलं आहे. या फिचरमुळे 30 दिवसांपेक्षा जास्त दिवस झालेल्या कॉलरची हिस्ट्री अॅपमधून डिलिट होते.
तुमच्या हक्काचे ‘सुराज्य डिजिटल’ फेसबुक पेज, ट्विटर, कू ॲपवर आणि ‘टेलिग्राम’वरही उपलब्ध
या अॅपमध्ये “Saved voicemails” चा शॉर्टकटही आहे. गुगल फोन अॅप हे पिक्सेल सीरिजच्या फोनसाठी प्राइमरी डायलर आहे, शिवाय गुगल फोन अॅप आता नॉन पिक्सेल फोन युजर्ससाठीही उपलब्ध झालं आहे.
गुगलच्या या नव्या अॅपचं नाव Google Call असेल. याद्वारे कॉलर आयडी आणि स्पॅम प्रोटेक्शनची सुविधा मिळेल. गुगलच्या या अॅपची एक जाहिरात युट्यूबवरही आली आहे. मात्र, अद्याप हे अॅप गुगल प्ले-स्टोअरवर उपलब्ध झालेलं नाही. लवकरच गुगल हे अॅप अधिकृतपणे रोलआउट करेल, अशी अपेक्षा व्यक्त केली जात आहे. युट्यूबवरील जाहिरातीमध्ये “lets you answer with confidence” कॅप्शनचा वापर करण्यात आला आहे.
