हैद्राबाद, 19 मे (हिं.स.)।पहलगाम हल्ल्यानंतर देशातील सुरक्षा यंत्रणा अलर्ट मोडवर आहेत. काही दिवसांपूर्वी हेरगिरीच्या आरोपखाली युट्युबर ज्योती मल्होत्रासह ६ जणांना अटक करण्यात आली.आता हैदराबाद पोलिसांनी आणखी दोन जणांना ताब्यात घेतले आहे.
पोलिसांनी दिलेल्या माहितीनुसार, सूरज उर रहमान(२९ वर्षीय) आणि सय्यद समीर(२८ वर्षीय) हे हैदराबादमध्ये बॉम्बस्फोट घडवण्याच्या तयारीत होते. दोघेही सौदी अरेबियातील आयसिसच्या संपर्कात असल्याचा पोलिसांना संशय आहे.पोलिसांनी दोन्ही आरोपींना आंध्र प्रदेशातील विजयनगरम येथून अटक केली आहे. यासाठी तेलंगणा आणि आंध्र प्रदेश पोलिसांनी संयुक्त कारवाई केली. संशयाच्या आधारे पोलिसांनी प्रथम रहमानला अटक केली. पोलिस चौकशीदरम्यान, रहमानने संपूर्ण सत्य उघड केले आणि सय्यद समीरचे नावही घेतले, त्यानंतर पोलिसांनी समीरला हैदराबाद येथून ताब्यात घेतले.
पोलिसांनी दिलेल्या माहितीनुसार, रहमान आणि सईद यांच्याकडे मोठ्या प्रमाणात स्फोटके सापडली. दोघांच्याही घरातून बॉम्ब बनवण्यासाठी वापरला जाणारा अमोनिया, सल्फर आणि ऍल्युमिनियम पावडर जप्त करण्यात आला आहे. दोन्ही आरोपी पोलिस कोठडीत आहेत. यापूर्वी पोलिसांनी देशाच्या वेगवेगळ्या कानाकोपऱ्यातून ६ जणांना अटक केली होती. या यादीत युट्यूबर ज्योती मल्होत्राचे नावही समाविष्ट आहे. या सर्वांवर आयसिसचे गुप्तचर एजंट असल्याचा आरोप आहे. ज्योतीवर आयसिसच्या गुप्तचर एजंट्सच्या संपर्कात राहण्याचा आणि भारताची अनेक संवेदनशील माहिती पाकिस्तानला पाठवण्याचा आरोप आहे.
—————
