मुंबई : उत्तर प्रदेशातील जेवर विमानतळाजवळील १ हजार हेक्टरपेक्षा अधिक जागेवर जागतिक स्तरावरील फिल्मसिटी उभारणार असल्याची घोषणा यूपीचे मुख्यमंत्री योगी आदित्यनाथ यांनी मुंबईत केली.
उत्तरप्रदेशचे मुख्यमंत्री योगी आदित्यनाथ हे दोन दिवसीय मुंबई दौऱ्यावर आले आहेत. राज्यात फिल्मसिटी मार्गी लागावी तसेच गुंतवणुकीमध्ये वाढ व्हावी या उद्देशाने मुख्यमंत्री योगी आदित्यनाथ दोन दिवसांच्या मुंबई दौऱ्यावर आले आहेत. या दौऱ्यात त्यांनी विविध उद्योजक आणि औद्योगिक कंपन्यांच्या प्रतिनिधींशी चर्चा केली आहे. तसेच सिनेअभिनेता अक्षय कुमार यांची सुद्धा भेट घेतली. तसेच आज मुंबई येथे पत्रकार परिषदे आयोजित करून त्यांनी महत्वपूर्ण घोषणा केली आहे.
तुमच्या हक्काचे ‘सुराज्य डिजिटल’ फेसबुक पेज, ट्विटर, कू ॲपवर आणि ‘टेलिग्राम’वरही उपलब्ध
पत्रकार परिषदेत बोलताना मुख्यमंत्री योगी आदित्यनाथ म्हणाले ‘उत्तर प्रदेशात जागतिक दर्जाची फिल्मसिटी उभारण्याचे काम आम्ही करत आहोत. या क्षेत्रातील कलाकार, दिग्दर्शक, निर्माते अशा सर्व जाणकारांशी चर्चा झाली आहे. नोएडाजवळ यमुना प्राधिकरणाजवळ ही सिनेसृष्टी उभी राहिली आहे.
आशियातील सर्वात मोठं विमानतळ असलेल्या जेवर विमानतळाजवळील १ हजार हेक्टरपेक्षा अधिक जागेवर ही फिल्म सिटी उभी करणार आहोत. या ठिकाणाहून उत्तर प्रदेशसह आणि देशातील इतर भागांशी जोडणारी दळणवळणांची सर्व साधनं असतील. सिनेसृष्टीतील कलाकारांनीही यासाठी रस दाखवला आहे. त्यासाठी त्यांचं अभिनंदन असे पत्रकार परिषदेत बोलून दाखविले.
