वेळापूर : पालखी चौकातून मोटरसायकलवर तीन तरुण वेगाने पंढरपूरकडे जात असताना उघडेवाडी चौकात पंढरपूर येणाऱ्या टिप्परची आणि मोटर सायकलची धडक होऊन दोन जण जागीच ठार तर एकजण जखमी झाला आहे.
तुमच्या हक्काचे ‘सुराज्य डिजिटल’ फेसबुक पेज, ट्विटर, कू ॲपवर आणि ‘टेलिग्राम’वरही उपलब्ध
हा अपघात आज सोमवारी सकाळी साडेदहाच्या सुमारास झाला. यामध्ये तुषार शहाजी जाधव (वय18) देवा बाबासाहेब माने (वय28) हे दोघे जागीच ठार तर धनंजय संजय माने (वय17) हा जखमी झाला आहे. त्याला अकलूज येथे उपचारासाठी दाखल केले आहे.
वेळापूर पोलिस स्टेशनचे पोलिस कर्मचारी विनोद साठे यांनी या तिघांचा पाठलाग केल्याने त्या तरुणांचा अपघात झाला आहे. या अपघाताला जबाबदार असणार्या पोलिस कर्मचार्यावर गुन्हा नोंद करावा म्हणुन आपघात झालेल्याच्या नातेवाईकांनी, महिलांनी, तरुणांनी वेळापूर पोलिस स्टेशनसमोर गर्दी केली आहे. रास्ता रोको करुन गुन्हा नोंद झाल्याशिवाय येथून हालणार नाही असा पवित्रा घेतला आहे.
