उपराष्ट्रपती पदासाठी ९ सप्टेंबरला निवडणूक

नवी दिल्ली, 1 ऑगस्ट।
निवडणूक आयोगाने जाहीर केले की उपराष्ट्रपती पदासाठी निवडणूक येत्या ९ सप्टेंबर रोजी होणार आहे. माजी उपराष्ट्रपती जगदीप धनखड यांनी २१ जुलै रोजी अचानक राजीनामा दिल्याने हे पद रिक्त झाले आहे.

निवडणूक कार्यक्रम:

• अधिसूचना जारी: ७ ऑगस्ट

• नामांकनाची अंतिम तारीख: २१ ऑगस्ट

• नामांकन छाननी: २२ ऑगस्ट

• नामांकन मागे घेण्याची अंतिम तारीख: २५ ऑगस्ट

• मतदान: ९ सप्टेंबर (सकाळी १० ते सायं. ५)

• निकाल: त्याच दिवशी संध्याकाळी घोषित

प्रमुख बाबी:

• उपराष्ट्रपती निवडणूक संसदेतून होते; मतदार लोकसभा व राज्यसभा सदस्य.

• गुप्त मतदान पद्धतीने (Secret Ballot) निवड.

• एकूण मतदारसंख्या: 782 (लोकसभा 542 + राज्यसभा 240)

• बहुमतासाठी आवश्यक आकडा: 394 मते

• सर्व मतांचे मूल्य समान — प्रत्येक खासदाराचे एक मत

सध्या दोन्ही सभागृहांमध्ये भाजप-नेतृत्वाखालील एनडीएचे बहुमत असल्यामुळे सत्ताधारी पक्षाचा विजय सहज होण्याची शक्यता आहे. आता भाजपाकडून कोणाला उमेदवारी दिली जाते याकडे सर्वांचे लक्ष लागले आहे.