● सोलापुरातील लग्नासाठी येत होते व-हाड मंडळी
अक्कलकोट : सोलापुरात ऱ्हाडींच्या वाहनाला भीषण अपघात झाल्याची घटना समोर आली आहे. सोलापूरच्या मैंदर्गीजवळ हा अपघात झाला आहे. या अपघातामध्ये एकाचा जागीच मृत्यू झाला तर पंधराजण जखमी झाले आहेत. Pickup accident in Akkalkot while going to a wedding, two killed and fifteen injured Gulbarga Afjalpur
शिवप्पा हणमंत जोगूर (वय ३० वर्षे, बिदणुर ता. अफजलपूर जिल्हा गुलबर्गा) असे अपघातातील मयताचे नांव आहे. जखमींना सोलापूरच्या शासकीय रुग्णालयात उपचारासाठी दाखल करण्यात आले आहे. ही घटना आज मंगळवारी (ता. ९) सकाळी दहा वाजण्याच्या सुमारास घडली.
मिळालेल्या माहितीनुसार, कर्नाटकच्या गुलबर्गा जिल्ह्यातील अफजलपूर येथून सोलापुरातील लग्नासाठी वऱ्हाड येत होते. पिकअपमधून हे सर्व प्रवास करत होते. पण लग्नाला पोहचण्यापूर्वीच या वऱ्हाडींवर काळाने घाला घातला. या वऱ्हाडींच्या पिकअपला मैंदर्गीजवळ भीषण अपघात झाला. या अपघातात 2 जणांचा जागीच दुर्दैवी मृत्यू झाला. तर पंधरा वऱ्हाडी जखमी झाले आहेत.
अक्कलकोट तालुक्यातील मैंदर्गीजवळील वळणावर वऱ्हाडींचा पिकअप पलटी होऊन अपघात झाला. या पिकअपमधून ३० जण प्रवास करत होते. चालकाचे पिकअपवरील नियंत्रण सुटल्यामुळे हा अपघात झाल्याची माहिती समोर येत आहे. अपघाताची माहिती मिळताच पोलिसांनी घटनास्थळी धाव घेतली. स्थानिका ग्रामस्थांच्या मदतीने पोलिसांनी जखमींना तात्काळ नजीकच्या सोलापूर शासकीय रुग्णालयात उपचारासाठी दाखल केले. याची दक्षिण पोलीस स्टेशनमध्ये नोंद झाली.
स्थानिक, देशासह जगभरातल्या बातम्या वाचण्यासाठी ‘सुराज्य डिजिटल’ फेसबुक पेज, डेलिहंट, ट्विटर, कू ॲपवर आणि ‘टेलिग्राम’वर आवर्जून द्या भेट…(बातमीसाठी मोबाईल – 9881192310 व्हाटसअपवर संपर्क करा)
मैंदर्गी (ता.अक्कलकोट ) शिवारातील दुधनी रोडवरील लक्ष्मी मंदिराच्या कठड्यास लग्नाचे व-हाडाचे वाहनाचे धडक बसली. शिवप्पा हणमंत जोगूर (वय ३० वर्षे), बिदणुर ता.अफजलपूर जिल्हा गुलबर्गा असे अपघातातील मयताचे नांव आहे. फिर्याद मयताचे वडिल हणमंत सायबण्णा जोगूर (वय ७० वर्षे, रा. बिदणुर ता. अफजलपूर जिल्हा कलबुर्गी (गुलबर्गा) कर्नाटक यांनी दिली.
फिर्यादीचा मुलगा जयप्पा हणमंत जोगूर यांचे मुलीचे लग्न सोलापूर येथे असल्याने फिर्यादी व मुलगा जयाप्पा व गावातील इतर १५ ते १६ लोक असे आम्ही सर्वजण मिळून मौजे बिदणुर (ता. अफजलपूर जिल्हा गुलबर्गा, राज्य – कर्नाटक) येथून सकाळी ८ वा.चे सुमारास महिंद्रा पिकअप गाडी (नंबर के ए ३६ बी २८२१) या वाहनातून लग्नाचे व-हाड घेवून दुधनी, मैंदर्गी, अक्कलकोट मार्गे सोलापूरला मड्डीवस्ती येथे लग्नाकरिता येत होते. सकाळी १० वा.चे सुमारास मैंदर्गी शिवारातील शिवमल्हार धाब्याजवळ आले असता धाब्याजवळील लक्ष्मी मंदिराचे कठड्यास पिकअप गाडीचे चालकाने आपल्या ताब्यातील महींद्रा पिकअप गाडी भरधाव धडकावली. रोडच्या उजव्या बाजुस जावून वाहन पलटी झाले.
त्यात मुलगा शिवप्पा हणमंत जोगूर यास डोक्यास गंभीर दुखापत झाली असून इतर लग्नाकरिता येणारे व-हाडी शामकुमार श्रीमंत चिकलगी, कुमार मुतप्पा जोगूर, शाहीकुमार दिंगबर हडपद (सर्व रा.बिदणुर ) अपघातात जखमी झाले. लागलीच तेथून लोकांचे मदतीने खासगी वाहनाने ग्रामीण रुग्णालय, अक्कलकोट येथे उपचारास दाखल केले.
या अपघातामध्ये फिर्यादीचा मुलगा शिवप्पा हणमंत जोगूर (वय ३० वर्षे) उपचारा पुर्वीच मयत झाला आहे असे वैद्यकिय अधिकारी यांनी सांगितले. वाहनाचे चालक विरूद्ध गुन्हा दाखल झाला आहे. अधिक तपास पोलीस नाईक रफीक शेख हे करीत आहेत.
