नवी दिल्ली : जागतिक क्रिकेटची इकोनॉमी 15 हजार कोटींची आहे, यातले 33% आयपीएलमधून येतात, म्हणजेच आयपीएलमधून जागतिक क्रिकेटला 5 हजार कोटी रुपये मिळतात. यामुळे बीसीसीआयला याच्या आयोजनासाठी इतर देशांचंही सहकार्य मिळतं. गेल्यावर्षी आयपीएलची ब्रॅण्ड व्हॅल्यू 47 हजार कोटी होती. ती या वर्षी 50 हजार कोटी होईल. तसेच भारतातील स्थानिक क्रिकेटर्स, प्रशिक्षक, कर्मचाऱ्यांचेही पगार झालेले नाहीत.
माजी मंत्री लक्ष्मण ढोबळेंच्या पत्नी अनुराधा ढोबळे यांचे निधन
https://t.co/yKlLb5ScnV
— Surajya Digital (@SurajyaDigital) May 4, 2021
देशात वारंवार कोरोना रुग्णांची संख्या वाढत असतानाही आयपीएल रद्द करण्यात आली नाही. अनेकांनी या परिस्थितीमध्ये आयपीएल खेळवली जाऊ नये, अशी मागणी केली. तरीही बीसीसीआय आयपीएल खेळवण्याबाबत आग्रही का आहे, हे जाणून घेण्यासाठी याच्या आर्थिक गणितावर लक्ष देणं गरजेचं आहे. टेलिग्राफच्या रिपोर्टनुसार जागतिक क्रिकेटची इकोनॉमी 15 हजार कोटींची आहे, यातले 33 टक्के आयपीएलमधून येतात, म्हणजेच फक्त आयपीएलमधून जागतिक क्रिकेटला 5 हजार कोटी रुपये मिळतात. याच कारणामुळे बीसीसीआयला टी-20 लीगच्या आयोजनासाठी इतर देशांच्या बोर्डाचंही सहकार्य मिळतं.
BREAKING: IPL 2021 has been suspended indefinitely because of COVID-19.
The BCCI will arrange for the “secure and safe passage of all the participants.” pic.twitter.com/Jp3PfX90Xf
— ICC (@ICC) May 4, 2021
तुमच्या हक्काचे ‘सुराज्य डिजिटल’ फेसबुक पेज, ट्विटर, कू ॲपवर आणि ‘टेलिग्राम’वरही उपलब्ध
2019 साली आयपीएलची ब्रॅण्ड व्हॅल्यू तब्बल 47 हजार कोटी एवडी होती, यावर्षी हीच रक्कम 3 हजार कोटींनी वाढून 50 हजार कोटी होईल, असा बीसीसीआयचा अंदाज आहे. बीसीसीआयने कोरोना संकटातही जवळपास 2 हजारांपेक्षा जास्त स्थानिक क्रिकेट मॅच खेळवल्या, या मॅचमध्ये उतरलेले खेळाडू, प्रशिक्षक, कर्मचारी आणि संबंधित सगळ्यांचे पैसे अजूनही देण्यात आलेले नाहीत, त्यामुळे जर आयपीएल रद्द करण्यात आली तर बोर्डाची कमाई कमी होईल आणि याचा परिणाम स्थानिक क्रिकेटपर्यंत होईल.
पहिल्यांदाच पंतप्रधानांनी शुभेच्छा देण्यासाठी फोन केला नाही – ममता बॅनर्जी https://t.co/diDihHOwsL
— Surajya Digital (@SurajyaDigital) May 4, 2021
कोरोनाच्या संकटात इंग्लंड आणि ऑस्ट्रेलियाने दक्षिण आफ्रिकेचा दौरा करायला नकार दिला, पण या देशाचे खेळाडू आयपीएलसाठी भारतात आले. क्रिकेट ऑस्ट्रेलियाने खेळाडूंना पाठिंबा दिला, तर इंग्लंड क्रिकेट बोर्डानेही खेळाडूंना टेस्ट क्रिकेटऐवजी आयपीएल खेळण्याची सूट दिली. यावर्षी भारतीय टीम इंग्लंडचा दौरा करणार आहे, या दौऱ्यात 5 टेस्ट मॅचची सीरिज खेळवली जाणार आहे. इंग्लंड क्रिकेट बोर्डासाठी हा दौरा अत्यंत महत्त्वाचा असेल, कारण कोरोना लॉकडाऊनमुळे त्यांच खूप आर्थिक नुकसान झालं आहे.
UPDATE: The Indian Premier League Governing Council (IPL GC) and Board of Control for Cricket in India (BCCI) in an emergency meeting has unanimously decided to postpone IPL 2021 season with immediate effect.
Details – https://t.co/OgYXPj9FQy pic.twitter.com/lYmjBId8gL
— IndianPremierLeague (@IPL) May 4, 2021
टीम इंडियाने मागच्या वर्षी ऑस्ट्रेलियाचा दौरा केला. कोरोनाच्या संकटात नियम पाळून 3 वनडे, 3 टी-20 आणि 4 टेस्ट मॅचची सीरिज खेळवण्यात आली. भारताच्या या दौऱ्याची किंमत जवळपास 2 हजार कोटी रुपये एवढी होती. ऑस्ट्रेलियाने जेव्हा दक्षिण आफ्रिका दौऱ्याला नकार दिला तेव्हा तिकडे दिवसाला 450 जणांचा मृत्यू होत होता, तर सध्या भारतात दिवसाला 3 हजार नागरिकी मृत्यूमुखी पडत आहेत. तरीही खेळाडू आयपीएल खेळत आहेत.
बिग ब्रेकिंग : अखेर आयपीएल रद्द https://t.co/whKNRVVq8W
— Surajya Digital (@SurajyaDigital) May 4, 2021
दरम्यान, सध्या तात्पुरत्या स्वरुपात आयपीएल रद्द करण्यात आली आहे. काही खेळाडूंना कोरोनाची लागण झाल्यानंतर यंदाचा आयपीएलचा हंगाम सध्यासाठी रद्द करण्यात आल्याची घोषणा बीसीसीआयचे उपाध्यक्ष राजीव शुक्ला यांनी केली आहे. दरम्यान आतापर्यंत आयपीएलशी संबंधित 3 खेळाडूंसह 11 जणांना कोरोनाची लागण झाली आहे.
