अक्कलकोट । यात्रेच्या वादातून दगड आणि लाथाबुक्याने मारहाण; आठजणाविरुद्ध गुन्हा

सोलापूर – गावातील यात्रेच्या कार्यक्रमात गोंधळ घालू नका असे सांगितल्याच्या कारणावरून बेकायदेशीर जमाव जमवून दगड आणि लाथाबुक्क्याने केलेल्या मारहाणी दोघेजण जखमी झाले. ही घटना अरळी (ता.अक्कलकोट) येथे सोमवारी (ता.24) रात्रीच्या सुमारास घडली. Akkalkot. Beating with stones and stones from Yatra disputes; Crime criminal conversation against eight people

या संदर्भात अतुल शिवशरण काळे (वय २९) यांनी अक्कलकोट उत्तर पोलिसात फिर्याद दाखल केली. त्याप्रमाणे पोलिसांनी संतोष हांडगे, प्रकाश हांडगे, हेमंत हांडगे, राहुल हांडगे, शशिकांत हांडगे, बसवराज हांडगे आणि निखिल बोंदरे (सर्व रा.अरळी) अशा ८ जणांविरुद्ध गुन्हा दाखल केला. यावेळी झालेल्या मारहाणी अतुल काळे आणि त्यांचे मित्र खंडू गमाजी हे दोघे जखमी झाले. मारहाणीनंतर आरोपीने त्यांना ठार मारण्याची धमकी दिली. पुढील तपास हवालदार बिराजदार करीत आहेत .

○ मेघशाम नगरात तरुणाची गळफास घेऊन आत्महत्या

सोलापूर – मुळेगाव रोडवरील मेघशाम नगरात राहणाऱ्या सुभान बंदेनवाज पठाण (वय २३) या तरुणाने राहत्या घरात गळफास घेऊन आत्महत्या केली. ही घटना बुधवारी सकाळच्या सुमारास घडली. सुभान पठाण हा अविवाहित असून तो मजुरी करीत होता. त्याची आई आज सकाळी मजुरीसाठी कामाला गेली होती.

घरात एकटाच असताना त्याने छताच्या लोखंडी अँगलला साडिच्या सहाय्याने गएफास घेतला होता . या घटनेची नोंद एमआयडीसी पोलिसात झाली असून या मागचे कारण समजले नाही . पुढील तपास हवालदार चव्हाण करीत आहेत.

स्थानिक, देशासह जगभरातल्या बातम्या वाचण्यासाठी ‘सुराज्य डिजिटल’ फेसबुक पेज, डेलिहंट, ट्विटर, कू ॲपवर आणि ‘टेलिग्राम’वर आवर्जून द्या भेट…(बातमीसाठी मोबाईल – 9881192310 व्हाटसअपवर संपर्क करा)

○ नजीक पिंपरी येथील अपघात; जखमी दुचाकी चालकाचा मृत्यू

सोलापूर – दुचाकीच्या अपघातात जखमी झालेले गणपत रोहिदास काळे (वय ४० रा. नजीक पिंपरी ता. मोहोळ) हे सोलापुरातील शासकीय रुग्णालयात उपचार घेताना बुधवारी (ता. 26) सकाळी मयत झाले.

ते २१ एप्रिल रोजी आपल्या सहा वर्षाच्या मुलगा शंकर काळे याच्यासोबत मोहोळ ते घराकडे निघाले होते. विद्युत मंडळाच्या कार्यालयाजवळ समोरून अनोळखी वाहन धडकल्याने दोघेही जखमी झाले होते. त्यांना मोहोळ येथे प्राथमिक उपचार करून सोलापुरात दाखल करण्यात आले होते. अशी प्राथमिक नोंद तालुका पोलिसात झाली आहे.

○ लोधीगल्लीत दोन गटात रॉड आणि विटाने मारहाण, पाच जखमी

सोलापूर – लहान मुलाच्या भांडणावरून दोन गटात लोखंडी रॉड, वीट आणि लाथा बुक्क्याने झालेल्या मारहाणी ५ जण जखमी झाले. ही घटना मंगळवारी (ता. 25) रात्रीच्या सुमारास सदर बाजार परिसरातील लोधी गल्लीत घडली. सर्वांना उपचारासाठी शासकीय रुग्णालयात दाखल करण्यात आले.

ज्योतिर्लिंग लक्ष्मणसिंग मनसावाले (वय ३८ रा.बापूजीनगर),अजय दिल्लीवाले (वय ३०) आणि गणेश शिवशिंगवाले (वय ३८ दोघे रा.लोधी गल्ली) असे पहिल्या गटातील जखमींची नावे आहेत. काल रात्री लोधी गल्लीत त्यांच्या नातेवाईकांचे भांडण सुरू होते.ते सोडविण्यास गेले असता तुम्ही मधे का पडला? असे म्हणत अक्षय चौधरी, अविनाश चौधरी यांच्यासह सहा जणांनी त्यांना लोखंडी रॉ आणि लाथा बुक्क्याने मारहाण केली.

तर दुसऱ्या गटात अभिषेक मोहन चौधरी (वय २२ रा. बापूजीनगर) आणि प्रकाश मौलावाले (वय ४२ रा.लोधीगल्ली) हे दोघे जखमी झाले.गल्लीतील लहान मुलगा पायी जाताना तोल जाऊन एका महिलेच्या अंगावर पडला होता. त्यावेळी महिलांनी मुलास शिवीगाळ केली. त्याचा जाब विचारण्यासाठी दोघे गेले असता विकी दिल्लीवाले, अर्जुन दिल्लीवाले आणि अन्य तिघा जणांनी त्यांना विटाने मारहाण केली. अशी नोंद सदर बाजार पोलिसात झाली आहे.