भाजपचे कार्यकर्ते आणि स्थानिक नागरिकांनी दिला चोप
पुणे, 11 मे (हिं.स.)।
भारत-पाकिस्तान युद्धविरामाच्या घोषणेनंतर आता पुण्यातून एक धक्कादायक प्रकार समोर आला आहे. काही तरुणांकडून हमासच्या समर्थनार्थ पोस्टर वाटल्याचे समोर आले आहे. या तरुणांना पोस्टर वाटप करत करता भाजपचे कार्यकर्ते आणि स्थानिक नागरिकांनी चोप दिला आहे. नागरिकांनी तरुणांवर गुन्हा दाखल करण्याची मागणी करण्यात आली आहे.
मिळालेल्या माहितीनुसार कर्वेनगर भागांत काही तरुण हमास समर्थनार्थ पोस्टर वाटप करत असल्याची माहिती भाजपच्या स्थानिक कार्यकर्त्यांना मिळाली. भाजपचे कायकर्ते तिथे पोहोचले आणि या तरुणांना हटकले. त्यांच्यात आणि कार्यकर्त्यांमध्ये बाचाबाची झाली. दरम्यान स्थानिक नागरिकांनीही या तरुणांना चोप दिला. आता नागरिकांनी या तरुणांवरोधात गुन्हा दाखल करण्याची मागणी केली आहे.
काही दिवसांपूर्वी पुण्यात शिक्षण घेणाऱ्या एका तरुणीने भारत पाकिस्तान तणावादरम्यान ‘पाकिस्तान जिंदाबाद’ अशी पोस्ट केली होती. सकल हिंदू समाजाने हा प्रकार समोर आणला होता. कोंढवा पोलिस ठाण्यात या तरुणीविरोधात गुन्हा दाखल करण्यात आला होता तसेच तिला शिक्षण घेतल असलेल्या शिक्षणसंस्थेतून काढून टाकण्यात आले. आता हमासच्या समर्थनार्थ पोस्टर वाटल्याने एकच खळबळ उडाली आहे.
