मुंबई : सध्या सोशल मीडियावर रील्समध्ये ‘हर हर शंभू’ हे गाणं तुफान व्हायरल होते आहे. हे गाणं फरमानी नाज या गायिकेने गायले आहे. फरमानी ही इंडियन आयडलच्या 12 व्या पर्वात सहभागी झाली होती. फरमानीचे स्वतःचे युट्यूब चॅनल असून, युट्यूबवर फरमानीचे 38.4 लाख सब्सक्रायबर आहेत. फरमानीचे 2017 मध्ये लग्न झाले असून मुलाच्या जन्मानंतर तिचा नवरा इमरानने दुसरं लग्न केलं. त्यामुळे फरमानीने इमरानचे घर सोडले आहे. Har Har Shambhu YouTuber Muslim woman from UP sings ‘Har Har Shambhu’ song
श्रावणात फरमानीने ‘हर हर शम्भू’ हे गाणं तिच्या युट्यूब चॅनलवर रिलीज केलं आहे. या गाण्यामुळे फरमानी वादाच्या भोवऱ्यात अडकली आहे. ‘हर हर शम्भू’ हे गाणं सध्या सोशल मीडियावर व्हायरल होत आहे.
उत्तर प्रदेशातील मोहम्मदपुर या खेड्यात फरमानीचं घर आहे. 2017 साली फरमानी इमरानसोबत लग्नबंधनात अडकली. हसनपुरात त्यांचा लग्नसोहळा पार पडला. लग्नानंतर फरमानीला अनेक समस्यांचा सामना करावा लागला. फरमानी आणि इमरानच्या मुलाचे नाव मोहम्मद अर्श आहे. मुलाच्या जन्मानंतर इमरानने दुसरं लग्न केलं. त्यामुळे फरमानीने इमरानचे घर सोडले आणि मोहम्मदपुरचा रस्ता पकडला.
फरमानीला गाणं गाण्याची प्रचंड आवड आहे. फरमानीचं गाणं राहुल नावाच्या एका व्यक्तीने ऐकलं आणि ते रेकॉर्ड करून युट्यूबवर टाकलं. या गाण्याला प्रेक्षकांचा चांगला प्रतिसाद मिळाला. त्यानंतर फरमानीने स्वत:चं युट्यूब चॅनल सुरू केलं. युट्यूबवर फरमानीचे 38.4 लाख सब्सक्रायबर आहेत. फरमानी नाज आणि फरमानची जोडी प्रेक्षकांच्या पसंतीस उतरते.
स्थानिक, देशासह जगभरातल्या बातम्या वाचण्यासाठी ‘सुराज्य डिजिटल’ फेसबुक पेज, ट्विटर, कू ॲपवर आणि ‘टेलिग्राम’वर आवर्जून द्या भेट…(बातमीसाठी मोबाईल – 9881192310 व्हाटसअपवर संपर्क करा)
https://youtu.be/JPHbHx_8tkA
इंडियन आयडलच्या 12 व्या पर्वात सहभागी होण्याची संधी फरमानीला मिळाली होती. या कार्यक्रमाच्या माध्यमातून फरमानीने नेहा कक्कड, हिमेश रेशमिया आणि विशाल ददलानीचे मन जिंकलं. दरम्यान फरमानीने ‘जो वादा किया तो निभाना पडेगा’ हे गाणं गायलं. फरमानीचं हे गाणं प्रचंड गाजलं. या गाण्याने फरमानीला लोकप्रियता मिळाली.
□ फरमानी नाजच्या अडचणीत वाढ
कंवर यात्रेत धार्मिक भजन गाल्यामुळे यूट्यूब गायक फरमानी नाझवर आता उलेमांनी हल्ला चढवला आहे. उलेमांनी फरमानी नाजला गैर-इस्लामी कृत्यांपासून दूर राहण्याचा इशारा दिला आहे. मात्र, एक कलाकार म्हणून या हिंदू धर्माशी संबंधित भजन गायल्याचे फरमानी नाज यांनी सांगितले आहे.
पती सोडून गेल्यानंतर फरमानी केवळ गाणी गाऊन कुटुंब चालवत आहेत. त्यांचे यूट्यूबवर एक कव्वाली चॅनल देखील आहे आणि ती भजनेही गाते. फरमानी सांगतात की, तिचा मुलगा आजारी होता आणि सासरचे लोक तिला तिच्या माहेरून पैसे आणायला सांगत होते, त्यामुळे ती तिच्या माहेरच्या घरी राहू लागली.
फरमानी नाज याविषयी म्हणतात की, मी फक्त एक कलाकार आहे. ती कोणतेही गाणे किंवा भजन गाते तेव्हा ती हिंदू आहे की मुस्लिम याचा विचार करत नाही. एक कलाकार म्हणून ती तिची गाणी गाते. फरमानी नाझ म्हणते की कलाकाराला कोणताही धर्म नसतो, ती फक्त तिचे काम करत असते.
सावन महिन्यात फरमानी नाझचे ‘हर हर शंभू शंकर महादेवा’ हे गाणे खूप लोकप्रिय झाले आहे. आता त्याच्या धार्मिक गाण्यावर उलेमांनी आक्षेप घेतला आहे. उलेमांचे म्हणणे आहे की मुस्लिमांनी इतर कोणत्याही धर्माची ओळख करून देणारे किंवा इतर धर्माच्या धार्मिक कार्यांना प्रोत्साहन देणारे कोणतेही काम करू नये. जर कोणी असे करत असेल तर ते इस्लामच्या शिकवणीच्या विरुद्ध आहे. मुस्लिमाने इस्लामला पूर्णपणे बांधिल राहिले पाहिजे.
□ श्री सिद्धेश्वर महाराजांच्या योग समाधीवर आकर्षक फुलांची मेघडंबरी
सोलापूर : सोलापूरचे ग्रामदैवत असलेल्या श्री सिद्धेश्वर महाराज यांच्या मंदिरातील योग समाधीवर आज पहिल्या श्रावणी सोमवार निमित्त फुलांची आकर्षक मेघडंबरी करण्यात आली आहे. यानिमित्त सोलापूरकर नागरिक सहकुटुंब दर्शनासाठी येत आहेत.
श्रावण मास निमित्त महिनाभर मंदिरात विविध धार्मिक कार्यक्रम पार पडणार आहेत. आज दर्शनासाठी भाविकांची मंदिरात पहाटेपासूनच मोठी गर्दी झाली होती. योग समाधीस आकर्षक रंगीबेरंगी फुलांनी सजविण्यात आल्याने मंदिर परिसरात चैतन्याचे वातावरण होते.
