मबाबाने : कोरोनामुळे आता एकाच्या देशाच्या पंतप्रधानांचे निधन झाले आहे. आफ्रिका खंडातील इस्वाटिनी या देशाचे पंतप्रधान एम्बरोसे डालामिनी यांचे कोरोनाच्या संसर्गामुळे निधन झाले आहे. मागील महिनाभरापासून त्यांच्यावर कोरोनावर उपचार सुरू होते. पंतप्रधान एम्बरोसे डालामिनी हे ५२ वर्षांचे होते.
कोरोनाच्या संसर्गाने जगभरात थैमान घातले असून काही देशांमध्ये करोनाची दुसरी लाट आली आहे. जगभरातील काही महत्त्वाच्या व्यक्तीदेखील कोरोनाच्या विळख्यात अडकल्या आहेत. करोनाच्या संसर्गामुळे आता एकाच्या देशाच्या पंतप्रधानांचे निधन झाले आहे. आफ्रिका खंडातील इस्वाटिनी या देशाचे पंतप्रधान एम्बरोसे डालामिनी यांचे करोनाच्या संसर्गामुळे निधन झाले आहे. मागील महिनाभरापासून त्यांच्यावर करोनावर उपचार सुरू होते.
तुमच्या हक्काचे ‘सुराज्य डिजिटल’ फेसबुक पेज, ट्विटर, कू ॲपवर आणि ‘टेलिग्राम’वरही उपलब्ध
पंतप्रधान एम्बरोसे डालामिनी यांच्यावर दक्षिण आफ्रिकेतील रुग्णालयात एक डिसेंबरपासून उपचार सुरू होते. ‘रॉयटर्स’ या वृत्तसंस्थेने दिलेल्या माहितीनुसार, इस्वाटिनी सरकारने रविवारी रात्री पंतप्रधानांच्या मृत्यूची अधिकृत घोषणा केली. देशाचे पंतप्रधान एम्बरोसे डलामिनी यांच्या अकाली निधनाची माहिती देशवासीयांना देण्याची सूचना राजपरिवाराकडून मिळाली आहे. डलामिनी यांचे निधन रविवारी दुपारी दक्षिण आफ्रिकेतील एका रुग्णालयात उपचारादरम्यान झाल्याची माहिती इस्वाटिनीचे उपपंतप्रधान थेंबा मसुकू यांनी दिली.
डालामिनी यांची २०१८ मध्ये पंतप्रधान म्हणून नियुक्ती करण्यात आली होती. इस्वाटिनी हा आफ्रिका खंडातील लहानसा देश असून दक्षिण आफ्रिकेच्या सीमेने या देशाला वेढले आहे. जवळपास १२ लाख लोकसंख्या असणाऱ्या या देशात सहा हजारांहून अधिकजणांना करोनाची बाधा झाली आहे. तर, १२७ जणांचा मृत्यू झाला आहे.
