अकलूज : जुन्या भांडणाचा राग डोक्यात धरून जिवे मारण्याच्या उद्देशाने कुऱ्हाडीने वार केल्याची घटना अकलूज पोलिस स्टेशन समोरच घडल्याने एकच खळबळ उडाली. यात अकलूज पोलिसात गुन्हा दाखल झाला आहे. यात खुनाचा प्रयत्न म्हणून गुन्हा दाखल झाला आहे. Attempted murder in Akluj over an old feud
वार करून आरोपी पोलिस स्टेशनमध्येच घुसल्याने त्याला तात्काळ ताब्यात घेण्यात आले. वार झालेल्याला जखमी अवस्थेत दवाखान्यात दाखल करण्यात आले. याबाबत अकलूज पोलिस स्टेशनकडून मिळालेल्या माहितीनुसार , अकलूज येथील फिर्यादी निखिल नागनाथ शिरसट (वय 26 रा . व्यंकटनगर- अकलूज ता . माळशिरस) याचे व आरोपी हिरा खंडागळे (रा . अकलूज) यांच्यात जुने भांडण होते. त्या भांडणातून हिरा खंडागळे याने निखील शिरसट याच्यावर केस केली होती. या दोघांमध्ये केस माघे घेण्यासंदर्भात बाचाबाची झाली होती.
मंगळवारी ( दि. 17 मे) निखिल शिरसट रात्री साडेदहाच्या सुमारास त्याच्या दुसऱ्या मित्राचे भांडण सोडवण्यासाठी अकलूज पोलिस स्टेशनला आला होता.
स्थानिक, देशासह जगभरातल्या बातम्या वाचण्यासाठी ‘सुराज्य डिजिटल’ फेसबुक पेज, ट्विटर, कू ॲपवर आणि ‘टेलिग्राम’वर आवर्जून द्या भेट…
दरम्यान त्याचवेळी निखिल शिरसट याला मारण्याच्या उद्देशाने दोन तासाहून अधिक काळ दबा धरून बसलेल्या हिरा खंडागळे याने मिळालेल्या संधीचा फायदा घेत अकलूज पोलिस स्टेशनच्या गेट समोर ‘ तू लई मस्तीला आलाय का माझा नाद करू नको मी केस मागे घेत नाही ‘ वैगरे म्हणत तूला खलास करतो, असे म्हणत निखील शिरसट याच्या डोक्यावर कुऱ्हाडीने वार केला.
तो वार पाठीमागे मानेवर बसला. कुऱ्हाडीचा वार जबरी बसल्याने रक्ताच्या थारोळ्यात भिजलेल्या निखिल शिरसट याने लागलीच घाबरून आरडा – ओरडा केला . त्यामुळे दुसरा वार करण्यासाठी हिरा खंडागळे पाठीमागे पळत आला असतानाच तेथील शिरसटचे सहकारी व पोलीस यांच्या मदतीने खंडागळे यास कुऱ्हाडीसह ताब्यात घेतले. यावेळी शिरसट यास मार लागल्याने तात्काळ राणे हॉस्पिटल येथे दाखल करण्यात आले आहे.
गुन्ह्यातील अरोपी हत्यारासह जेरबंद करून जखमी फिर्यादीच्या जबाबावरून गुन्ह्यातील संशयित ईतर अरोपी व खूनाचा कट रचणारे अरोपी यांचा तपास पोलीस निरीक्षक अरूण सूगावकर यांचे मार्गदर्शनाखाली पोसई जगताप करीत आहेत. आरोपी विरोधात पोलीस ठाणे अकलूज येथे गुरनं 357/2022 भादवि 307 व 120 ब व सहकलम 143 ते 147 ते 149 प्रमाणे 504 , 506 कलमांतर्गत गुन्हा नोंद करण्यात आला आहे.
