○ टायर पंक्चर होऊन मोटार समोरच्या मोटारीला धडकली
सोलापूर – वेगाने जाणाऱ्या मोटारीचे टायर पंक्चर होऊन रस्ता दुभाजकास धडकत जाऊन समोरच्या दुसऱ्या एका मोटारीला ठोकरल्याने दोन्ही वाहनाचे चालक ठार तर चार प्रवासी जखमी झाले. हा विचित्र अपघात पुणे महामार्गावरील वडवळ नजीकच्या वर्धमान फॅक्टरीजवळ आज शनिवारी (ता. 10) दुपारच्या सुमारास घडला. Solapur. Two cars collide head-on; 2 killed 4 injured Mohol Wadwal
निखिल रविकांत बिराजदार (वय ४० रा. अक्कलकोट) आणि दुसर्‍या वाहनातील शशिकांत सदाशिव आधटराव (वय ४२ रा. माकणी ता.लोहारा) अशी मयताची नावे आहेत. तर ओवि निखिल बिराजदार (वय ८), अनुराधा रविकांत बिराजदार (वय ३५ रा.अक्कलकोट) , सुनिता आधटराव (वय ४०) आणि बालाजी काशिनाथ साठे (वय ५२ रा. माकणी ता. लोहारा) अशी जखमींची नावे आहेत. त्यांना उपचारासाठी शासकीय रुग्णालयात दाखल करण्यात आले.
निखिल बिराजदार (रा. अक्कलकोट ) हे एमएच१२ – एसक्यू – ०८६७ या मोटारीतून अनुराधा बिराजदार आणि ओवी बिराजदार यांच्यासह पुणे ते सोलापूर असा प्रवास करीत होते. दुपारी अडीच वाजेच्या सुमारास वडवळजवळ त्यांच्या मोटारीचा समोरील चाक अचानक पंक्चर झाला. चाक पंक्चर झाल्याने मोटार डिव्हायडरवर आदळून विरुद्ध दिशेने जाणाऱ्या एमएच २५ – आर – ८६५ या मोटारीला समोरून धडकली.
या अपघामधे शशिकांत आधटराव (रा. माकणी) आणि ते स्वतः हा गंभीर जखमी होऊन मरण पावले. आणि दोन्ही वाहनातील चौघे जखमी झाले. अपघातानंतर मयत आणि जखमीला ॲम्बुलन्स मधून सोलापुरातील शासकीय रुग्णालयात दाखल करण्यात आले. या अपघाताची प्राथमिक नोंद तालुका पोलिसात झाली आहे.
स्थानिक, देशासह जगभरातल्या बातम्या वाचण्यासाठी ‘सुराज्य डिजिटल’ फेसबुक पेज, डेलिहंट, ट्विटर, कू ॲपवर आणि ‘टेलिग्राम’वर आवर्जून द्या भेट…(बातमीसाठी मोबाईल – 9881192310 व्हाटसअपवर संपर्क करा)
● विजेच्या खांबास गळफास घेऊन अनोळखी तरुणाची आत्महत्या
सोलापूर – विजेच्या खांबाला दोरीने गळफास घेऊन आत्महत्या केल्याची घटना तुळजापूर वेस येथील सार्वजनिक शौचालय जवळ शुक्रवारी संध्याकाळी उघडकीस आली.
मयताच्या खिशात विजेंद्र सिंह नावाचे एका ट्रॅव्हल्सचे तिकीट मिळाले असून त्याचे वय अंदाजे २५ ते ३० वर्षाचे आहे. शुक्रवारी (ता.9 ) संध्याकाळी तुळजापूर वेस, ढोर गल्लीत असलेल्या सार्वजनिक शौचालयाजवळ विजेच्या खांबाला त्याचा मृतदेह दोरीने गळफास घेतलेल्या अवस्थेत आढळून आला. जोडभावी पेठ पोलिसात याची नोंद झाली. हवालदार नाईकवाडी पुढील तपास करीत आहेत.
– शेळगीत मृतदेह आढळला
शेळगी येथील दीक्षित यांच्या शेतातील झाडाजवळ प्रकाश सुभाष माळगे (वय ४१ रा.महर्षी गौतम सोसायटी, शेळगी) याचा मृतदेह शानिवारी सकाळी आढळून आला. या घटनेची नोंद जुळवावी पेठ पोलिसात झाली हवालदार काळे पुढील तपास करीत आहेत.
