सोलापूर, 22 जून, (हिं.स.)। स्थानिक स्वराज्य संस्थांच्या निवडणुका काही दिवसात होणार आहे. या निवडणुकांची सर्व पक्षांनी तयारी सुरू केली आहे. राजकीय वर्तुळात आरोप-प्रत्यारोप सुरू आहेत, ठाकरे गट आणि शिंदे गटामध्ये टीका सुरू आहेत. आज पंढरपूर येथील पत्रकार परिषदेत शिंदे गटाचे माजी आमदार शहाजीबापू पाटील यांनी खासदार संजय राऊत यांच्या निशाणा साधला. यावेळी त्यांनी गुवाहटीवरुन राऊत यांच्याबाबत मोठा गौप्यस्फोट केला. शिंदे गटाचे माजी आमदार शहाजीबापू पाटील यांनी खासदार संजय राऊत यांच्याबाबत मोठा गौप्यस्फोट केला.
माजी आमदार शहाजीबापू पाटील म्हणाले, गुवाहाटी येथील बंडामध्ये उद्धव ठाकरे यांना सोडून संजय राऊत यांनाही यायचे होते. पण त्यावेळी 30 ते 35 आमदारांनी राऊत यांना विरोध केला. म्हणून राऊत आजही चिडचिड करून वारंवार एकनाथ शिंदे यांच्यावर टीका करतात. शिवसेना ठाकरे गटातील अनेक आमदारांना एकनाथ शिंदेंचं नेतृत्व मान्य आहे, लवकरच राजकीय घडामोडी घडतील, असा मोठा गौप्यस्फोट त्यांनी केला.
