छत्रपती संभाजीनगर, १ ऑगस्ट – शहरातील पाणदरीबा आणि शताब्दी नगर भागात महिला छेडछाडीच्या घटनेनंतर तणाव निर्माण झाला होता. परिस्थिती नियंत्रणात आणण्यासाठी पोलिसांनी तात्काळ मोठा बंदोबस्त तैनात केला असून, सध्या परिसरात शांतता आहे. वरिष्ठ पोलीस अधिकाऱ्यांनी गुन्हेगारांना तातडीने अटक करण्याचे आदेश दिले आहेत.
पाणदरीबा परिसरातील तणाव
सिटी चौक परिसरातील पाणदरीबामध्ये एका महिलेची छेडछाड झाल्याने मोठा जमाव जमा झाला आणि तणाव वाढला. काही काळ परिस्थिती बिघडण्याची शक्यता निर्माण झाली होती. मात्र, पोलिसांच्या सतर्कतेमुळे अनुचित प्रकार घडण्यापासून वाचवण्यात आले.
शताब्दी नगरात हाणामारी
शताब्दी नगर परिसरात दोन गटांत तुंबळ मारामारी झाली. काही युवक हातात चाकू व तलवारी घेऊन धावत असल्याचेही दिसले. पोलिसांनी त्वरित हस्तक्षेप करून कायदा-सुव्यवस्था राखली.
पंधरवड्यात दुसरा तणाव
गेल्या पंधरा दिवसांत सिटी चौक परिसरात तणाव निर्माण होण्याची ही दुसरी वेळ आहे. याप्रकरणी पोलिसांनी गंभीर कलमान्वये गुन्हा दाखल करून संबंधितांना अटक करण्याचे आदेश वरिष्ठांनी दिले आहेत.
पोलीसांची तात्काळ कारवाई
सहाय्यक पोलीस आयुक्त सुदर्शन पाटील, संपत शिंदे, पोलीस निरीक्षक निर्मला परदेशी आणि दिलीप चंदन यांनी घटनास्थळी धाव घेऊन परिस्थितीचा आढावा घेतला. दंगा काबू पथक तैनात करून परिसर शांत करण्यात आला आहे.
