चंद्रपूर : काळ कधी कसा येईल सांगता येत नाही असंच काहीसं दोन तरुणांच्या बाबतीत घडलं. ब्रह्मपुरी -आरमोरी मूख्य महामार्गावर सकाळी दिवस सुरु होण्या आधीच काळाने घाला घातला. मॉर्निंग वॉकला निघालेल्या दोन तरुणांना अज्ञात वाहनाने धडक दिल्याची घटना समोर आली आहे.
चंद्रपूर जिल्ह्यातील ब्रह्मपुरी शहराजवळ हा धक्कादायक प्रकार घडला. दोन तरुण मॉर्निंग वॉक करत असताना अचानक अज्ञात वाहनांनं त्यांना चिरडललं आणि यामध्ये दोन तरुणांचा जागीच मृत्यू झाला आहे. ब्रह्मपुरी -आरमोरी मूख्य महामार्गावर ही घटना घडली.
तुमच्या हक्काचे ‘सुराज्य डिजिटल’ फेसबुक पेज, ट्विटर, शेअरचॅट आणि ‘टेलिग्राम’वरही उपलब्ध
मिळालेल्या माहितीनुसार दोन्ही मृत युवक खरकाडा गावातील रहिवासी होते. नेहमीप्रमाणे मुख्य महामार्गावर मॉर्निंग वॉकसाठी गेले असताना पहाटेच्या सुमारास अज्ञात वाहनाने मागून या तरुणांना धडक दिली. दरम्यान वाहन चालक घटनास्थळावरून फरार झाला आहे. या घटनेची माहिती स्थानिकांनी पोलिसांना दिली.
पोलिसांनी घटनास्थळी पोहोचत दोन्ही मृतदेह ब्रह्मपुरी उपजिल्हा रुग्णालयात पोस्टमार्टमसाठी पाठवला. दरम्यान या अज्ञात वाहनाचा शोध ब्रह्मपुरी पोलीस घेत आहेत. एकाच दिवशी खरकाडा गावातील दोन युवकांचा असे अपघाती मृत्यू परिसरातील शोकाकुल वातावरण आहे.
